बीसीसीआयचा एक मोठा निर्णय अन् मोहम्मद शमीचं करिअर संपलं? पडद्यामागे काय घडलं?

टीम इंडियाचा सिनिअर खेळाडू मोहम्मद शमी मागच्या अनेक वर्षापासून आंतरराष्ट्रीय क्रिकेटपासून दूर आहे. मात्र तो देशांतर्गत क्रिकेटमध्ये सामने खेळतो आहे आणि चांगली कामगिरी करतो आहे.

देशांतर्गत क्रिकेटमध्ये मोहम्मद शमी त्याच्या गोलंदाजी आणि फलंदाजीने टीम इंडियाचे दार ठोठावतो आहे. पण टीम इंडियात त्याची निवडच होत नाही आहे.

विशेष म्हणजे आज सुद्धा त्याने बंगालकडून आंध्रप्रेदशविरूद्ध खेळताना 33 बॉलमध्ये 53 धावांची खेळी केली होती. या खेळीत त्याने 3 षटकार आणि 7 चौकार मारले होते. या दरम्यान त्याचा स्ट्राईक रेट हा 160 होता.

दरम्यान आज बीसीसीआयने सेंट्रल कॉन्ट्रॅक्टची यादी जाहीर केली आहे. या यादीमध्ये मोहम्मद शमीच नाव काढण्यात आले आहे.

2024-45 च्या सेंट्रल कॉन्ट्रॅक्टमध्ये मोहम्मद शमी ग्रेड ए मध्ये होता.मात्र नव्याने जाहीर झालेल्या या सेंट्रल कॉन्ट्रॅक्टमधून त्याचे नाव काढण्यात आले आहे.

बीसीसीआयच्या याच निर्णयामुळे आता मोहम्मद शमीचं करिअर संपल्या जमा झाल्याचे बोलले जात आहे.

मोहम्मद शमीसोबत ईशान किशनचही नाव या यादीत नाही आहे. तो टी20 वर्ल्ड कप संघाचा देखील भाग आहे. पण त्याला या यादीत स्थान न मिळाल्याने आश्चर्य व्यक्त होत आहे.