'तुझा वाढदिवस आणि आपलं पाचवं बाळ...' नव्या वर्षात हेमंत-क्षितीची Good News समोर

2026 वर्ष सुरू झालं आहे. अनेकांनी आपल्या आवडीच्या ठिकाणी जाऊन नव्या वर्षाचं स्वागत केलं आहे. सेलिब्रेटींनीही नव्या वर्षात जोरदार स्वागत केलं. अनेकांनी सोशल मीडियावर पोस्ट शेअर करत चाहत्यांना नव्या वर्षाच्या शुभेच्छा दिल्या आहेत.

प्रसिद्ध मराठी अभिनेता हेमंत ढोमेनं सोशल मीडियावर खास पोस्ट शेअर केली आहे. 1 जानेवारी 2026 चा हा दिवस हेमंत ढोमेसाठी खूप खास ठरला आहे. हेमंतची बायको म्हणजेच अभिनेत्री क्षिती जोगचा आज बर्थडे आहे. बायकोच्या बर्थडे निमित्तानं हेमंतनं तिच्यासाठी खास पोस्ट लिहित शुभेच्छा दिल्या आहेत.

हेमंतनं या पोस्टमधून चाहत्यांना आनंदाची बातमी देखील दिली आहे. हेमंतनं त्याच्या पोस्टमध्ये लिहिलंय, "आज एक कमाल योग जुळून आलाय. तुझा वाढदिवस आणि आपलं पाचवं बाळ आज प्रेक्षकांचं होणार"

"तुझ्या वाढदिवसानिमित्त तुझ्यातल्या सच्च्या कलाकाराची एक तितकीच सच्ची कलाकृती प्रेक्षकांच्या भेटीस येतेय…तुझ्या धाडसाला आणि तुझ्या धडाडी वृत्तीला यश लाभो हिच प्रार्थना"

"अशीच सर्वार्थाने मोठी होत रहा… सुखी रहा, निरोगी रहा… आनंदी रहा! वाढदिवसाच्या खूप खूप शुभेच्छा आणि खूप खूप प्रेम"

अभिनेत्री क्षिती जोग आणि अभिनेता हेमंत ढोमे यांचा क्रांतिज्योती महाविद्यालय मराठी माध्यम हा सिनेमा नुकताच रिलीज झाला आहे. मराठी शाळा आणि मातृभाषेच्या अस्तित्वासाठी दिल्या जाणाऱ्या लढ्याची गोष्ट या सिनेमातून मांडण्यात आली आहे.

हा सिनेमा म्हणजेच हेमंत आणि क्षिती यांचं पाचवं बाळ म्हणजेच पाचवा सिनेमा आहे. दोघांनी मिळून आतापर्यंत झिम्मा, झिम्मा 2, फसक्लास दाभाडे, सनी हे सिनेमे प्रेक्षकांच्या भेटीला आणले आहेत. नव्या वर्षात त्यांचा क्रांतिज्योती विद्यालय हा सिनेमा प्रेक्षकांच्या भेटीला आला आहे. ती त्यांनी प्रेक्षकांना दिलेली गुड न्यूज आहे.

'क्रांतिज्योती विद्यालय - मराठी माध्यम' या सिनेमात दिग्गज अभिनेते सचिन खेडेकर मुख्याध्यापकाच्या भूमिकेत दिसणार आहेत. त्यांच्यासोबत अमेय वाघ, सिद्धार्थ चांदेकर, क्षिती जोग, कादंबरी कदम, हरीश दुधाडे, पुष्कराज चिरपुटकर, निर्मिती सावंत आणि मराठी चित्रपटात पहिल्यांदाच पदार्पण करणारी प्राजक्ता कोळी अशी दमदार स्टारकास्ट आहे.