अन् विठ्ठलानेच साद घातली, संकर्षण कऱ्हाडेनं अमेरिकेत अशी साजरी केली आषाढी एकादशी

मराठी इंडस्ट्रीमध्ये अनेक कलाकार आहेत जे नियम वारीला जातात. आषाढी एकादशी त्यांच्यासाठी खूप स्पेशल असतात. असाच एक अभिनेता म्हणजे संकर्षण कऱ्हाडे.

यंदा मात्र संकर्षण वारीसाठी महाराष्ट्रात नाहीये. अमेरिकेत संकर्षणनं आषाढी एकादशी साजरी केली आहे.

संकर्षण कऱ्हाडे सध्या संकर्षण व्हाया स्पृहा या कार्यक्रमानिमित्तानं अमेरिकेत गेला.

अमेरिका दौऱ्यामुळे संकर्षणला यंदाची वारी चुकवावी लागली आहे. याची खंत व्यक्त करत अमेरिकेत घडलेली वारी त्यानं सर्वांबरोबर शेअर केली आहे.

संकर्षणनं फोटो पोस्ट केले आहेत. ज्यात तो विठ्ठल- रुक्मिणीची पूजा करत आहे. त्याने हे फोटो शेअर करत लिहिलंय, "ह्या वर्षीच्या आषाढी एकादशीला भारतात नाहीये. सारखं मनांत वाटत होतं कि “दर्शन कुठे घ्यावं… ??? ऊपवास कसा करावा ??? …”

"अमेरिकेत प्रयोग करायला आलो Austin मध्ये … आणि तिथल्या मंडळाने प्रयोग सुरु करायच्या आधी विचारलं कि, “आम्ही दर वर्षी पांडूरंगाची पूजा करतो , दिंडी आयोजीत करतो… तर तुम्ही पुजेचा मान घ्याल का ….?” मला असं वाटलं कि, विठ्ठलानेच साद घातली".

या पोस्टसह संकर्षणनं काही ओळी देखील लिहिल्या आहेत. “विठ्ठलाची हाक जोवर वैंकुठातून येत नाही..कित्तीही ठरवा तुम्ही , पाऊल पंढरीकडे जात नाही..लाख्खो पाऊलं चालून , जेंव्हा भेट ऊराऊरी होते..पांडूरंग करतो स्वागत , आणि तेंव्हा खरी वारी होते…” विठ्ठल विठ्ठल विठ्ठल विठ्ठल ….!!!!