आता खा वर्षभर टिकणारी पोळी; पुण्याच्या इंजिनिअरनं असा लावला शोध PHOTOS

फ्रोझन फूड म्हणजे अगदी कमी तापमानात गोठवून ठेवलेल अन्न. या प्रक्रियेमुळे अन्नाचे पौष्टिक मूल्य, चव आणि पोत दीर्घकाळ टिकून राहण्यास मदत होते. आता फ्रोझन केलेली पोळी पुण्यात मिळत आहे. यामुळे ज्यांना पोळी करण्यासाठी वेळ मिळत नाही किंवा बाहेर राहतात त्यांच्यासाठी ही पोळी एक चांगला पर्याय आहे.

पुण्यात राहणारे श्रीराम सहस्त्रबुद्धे हे फ्रोझन पोळी तयार करतात. व्यवसाने इंजिनिअर असणारे श्रीराम सहस्त्रबुद्धे यांनी 6 वर्षा पूर्वी या पोळ्यांच्या व्यवसायाला सुरुवात केली.

या पोळ्या तयार करत असताना त्यांनी एक स्वतः मशीन तयार केले या मशीनद्वारे 1 तासामध्ये 500 पोळ्या तयार होतात. एक सारख्या तापमानावर भाजल्या जातात. कमी श्रमात जास्त काम या मशीनद्वारे केले जाते.

घरोघरी जाणाऱ्या मदतनीस यांना कोरोना काळात त्या घरी जाता येत नव्हतं. अशावेळी अनेक कुटुंबांची गरज सकसच्या पोळ्यांनी भागविली. काही आपल्या कुटुंबापासून दूर राहतात किंवा परदेशी शिक्षणासाठी, नोकरी साठी जातात.

अशा मुलमुलींना डीप फ्रीजमध्ये ठेवून वर्षभर खाता येतील अशा पोळ्यांवर संशोधन सुरु केले. ते सुमारे 2 वर्ष केले. त्यानंतर आता या पोळ्या बाहेर राहणाऱ्या लोकांच्या फ्रीजमध्ये सकसच्या वर्षभर टिकणाऱ्या तयार पोळ्यांची पाकिटे असतात,असं श्रीराम सहस्रबुद्धे यांनी सांगितलं.

पोळी घेण्यासाठी लांबून लोक येतात. महिन्याला 1 लाख 10 हजार फ्रोझन पोळ्या तयार केल्या जातात. ही पोळी जास्तीत जास्त 1 वर्ष भर टिकते. ताजी पोळी ही 6 रुपये आणि फ्रोझन केलेली पोळी 8 रुपयाला विकतो, अशी माहिती फ्रोझन पोळी सुरु करणारे श्रीराम सहस्त्रबुद्धे यांनी दिली.

ही पोळी कर्वे रोड, भारती निवास कॉलनी एरंडवने पुणे येथे मिळेल.