Ginger Benefits : आलं केवळ सर्दी-खोकल्यावरच उपाय नाही, 'या' गंभीर आजारांवरही पडते भारी! वाचा फायदे

Published by:Pooja Jagtap

Last Updated:October 01, 2023 7:10 PM IST

Health Benefits of Ginger : भारतीय आयुर्वेदात अद्रक म्हणजेच आलं हे औषधी तत्वांचा खजिना मानले जाते. काही लोक जेवणाची चव वाढवण्यासाठी आल्याचा वापर करतात. निरोगी जीवनशैलीचे अनुसरण करणारे बहुतेक लोक त्यांच्या जेवणात आले वापरतातच. आल्याचा वापर फक्त चहा आणि काढा बनवण्यापुरता मर्यादित नाही तर तुम्ही अनेक गंभीर आजारांवरही याचा वापर करू शकता. healthline.com नुसार, आलं खाण्याचे काही चांगले फायदे जाणून घेऊया.

1/6

व्हायरल आणि इन्फेक्शनपासून संरक्षण करेल : आल्यामध्ये जिंजरॉल नावाचा पदार्थ असतो. जिंजरॉल हे अँटी-ऑक्सिडंट आणि अँटी-इंफ्लेमेटरी घटकांचा उत्तम स्रोत मानला जातो. आल्याचे सेवन शरीराची रोगप्रतिकारक शक्ती वाढवण्यास मदत करते. ज्यामुळे सर्दी, फ्लू आणि व्हायरल इन्फेक्शन सारख्या समस्या टाळता येतात.

2/6

वजन कमी करण्यास उपयुक्त : आल्यामध्ये असलेले दाहक-विरोधी गुणधर्म देखील वजन कमी करण्यास मदत करतात. त्याच वेळी आल्यामध्ये कोलेस्ट्रॉलचे प्रमाण खूप कमी असते. यामुळे तुमचा लठ्ठपणा तर कमी होतोच पण कंबर आणि नितंबाची चरबीही कमी होते. वजन कमी करण्यासाठी तुम्ही तुमच्या आहारात आल्याचा समावेश करू शकता.

3/6

मधुमेहामध्ये फायदेशीर : आल्याचे सेवन मधुमेहाच्या रुग्णांसाठी रामबाण उपाय ठरू शकते. आले खाल्ल्याने शरीरातील रक्तातील साखरेची पातळी कमी होते. त्याच वेळी टाइप 2 मधुमेहामध्ये आले खाणे सर्वोत्तम आहे. याशिवाय आल्याचे सेवन केल्याने ऑक्सिडेटिव्ह ताणही येत नाही. त्यामुळे हृदयविकाराचा धोका कमी होतो.

4/6

अन्न पचण्यास उपयुक्त : आल्याचे सेवन केल्याने पचनक्रियाही निरोगी ठेवता येते. वास्तविक आल्याच्या मदतीने अन्न सहज पचते. त्यामुळे अपचनाची भीती नसते. पोटदुखी, सर्दी, फुगणे, उलट्या यासारख्या समस्या आल्याचे नियमित सेवन केल्याने टाळता येते.

5/6

मासिक पाळीच्या दुखण्यापासून मिळेल आराम : महिलांना मासिक पाळीदरम्यान खूप पोटदुखी होते. अशावेळी अद्रकाचे सेवन हा महिलांसाठी उत्तम उपाय ठरू शकतो. महिलांना त्यांच्या दैनंदिन आहारात आल्याचा समावेश करून मासिक पाळीच्या दुखण्यापासून आराम मिळू शकतो.

6/6

आले कॅन्सरपासून रक्षण करेल : औषधी घटकांनी समृद्ध आले, कर्करोगासारख्या गंभीर आजाराशी लढण्यासाठी देखील उपयुक्त आहे. जिंजरॉलमध्ये असलेले अँटी-ऑक्सिडेंट आणि अँटी-इंफ्लेमेटरी गुणधर्म कर्करोगापासून दूर ठेवण्याचे काम करतात. अशा परिस्थितीत कोलोरेक्टल कॅन्सर, स्वादुपिंडाचा कर्करोग आणि लिव्हरचा कर्करोग होण्याची शक्यता कमी असते.

Ginger Benefits : आलं केवळ सर्दी-खोकल्यावरच उपाय नाही, 'या' गंभीर आजारांवरही पडते भारी! वाचा फायदे

फोटो

ताज्या बातम्या