High BP Problem: BP वाढणाऱ्यांनी काय करावं? रक्तदाब नियंत्रणासाठी या टिप्स महत्त्वाच्या

Published by:Ramesh Patil

Last Updated:Sep 14, 2024 10:36 AM IST

BP control Tips Marathi: आपल्यापैकी अनेकांना मधुमेह आणि उच्च रक्त दाबाचा त्रास असतो. शरीरात उच्च रक्तदाब धोकादायक परिस्थिती निर्माण करू शकतो, त्यामुळे काळजी घेणं गरजेचं आहे. उच्च रक्तदाबामुळे अनेक गंभीर आणि जीवघेणे आजार होऊ शकतात. त्यामुळे रक्तदाब नियंत्रणात ठेवणं अत्यंत आवश्यक आहे. जाणून घ्या बीपी वाढल्यावर काय होते? नियंत्रणासाठी काय करावं.

1/7

रक्तदाब वाढणं ही एक गंभीर स्थिती आहे. जेव्हा शरीरातील रक्तदाब 90/140 किंवा त्यापेक्षा जास्त पोहोचतो. त्यामुळे रक्तवाहिन्यांमधील रक्तदाब खूप वाढतो. रक्तदाब दिवसभरात अनेक वेळा वाढतो आणि कमी होत असला तरी, रक्तदाब बराच काळ वरच्या पातळीवर राहिला तर त्याचा आरोग्यावर विपरीत परिणाम होतो.

2/7

उच्च रक्तदाबामुळे हृदयविकाराचा झटका, हृदयाशी संबंधित आजार आणि पक्षाघात यांसारखे अनेक गंभीर आजार होऊ शकतात. जीवनशैलीच्या सवयी हे उच्च रक्तदाबाचे प्रमुख कारण मानलं जातं. त्यामुळे इतर अनेक गंभीर आजारांचा धोकाही निर्माण होऊ शकतो. याशिवाय वय आणि अनुवांशिक कारणंही यामागे कारणं असू शकतात. रक्तदाब वाढल्यावर काय होतं ते जाणून घेऊया.

3/7

रक्तदाब वाढतो तेव्हा काय होतं ?एन्युरिझम - शरीरातील रक्तदाब वाढल्यामुळे पेशी कमकुवत होऊ लागतात आणि त्यामुळे धमनी विकार होऊ शकतो. एन्युरिझममध्ये, रक्तवाहिन्या फुगायला लागतात. ही परिस्थिती खूप गंभीर आणि धोकादायक असू शकते.

4/7

हार्ट फेल्युअर - वाढलेल्या बीपीमुळे पेशींवर जास्त दबाव येतो, त्यामुळे हृदयाचे स्नायू जड होतात. या स्थितीत शरीराच्या गरजेनुसार रक्त वाहत नाही. या समस्येमुळे हार्ट फेल्युअरची समस्या उद्भवू शकते.

5/7

हृदयविकाराचा झटका - शरीरातील उच्च रक्तदाबामुळे पेशी कडक आणि घट्ट होतात, त्यामुळे हृदयविकाराचा झटका येऊ शकतो. यामुळे हृदयाच्या इतर समस्या देखील होऊ शकतात.

6/7

मेंदूशी संबंधित समस्या - शरीरातील रक्तदाब नियंत्रणाबाहेर जातो तेव्हा त्याचा विचार करण्याच्या आणि शिकण्याच्या क्षमतेवरही परिणाम होतो. उच्च रक्तदाबामुळे स्मरणशक्तीची समस्या देखील उद्भवू शकते.

7/7

उच्च रक्तदाब ताबडतोब नियंत्रणात आणण्यासाठी तुम्ही डॉक्टरांच्या सल्ल्यानुसार औषधं घेऊ शकता. याशिवाय तुमच्या जीवनशैलीमध्ये बदल करणं गरजेचं आहे. यासाठी उच्च रक्तदाब टाळणं, वजन वाढू न देणं, नियमित व्यायाम करणं आणि वेळेवर झोपणं आणि उठणं याची काळजी घेणं आवश्यक आहे. यामुळे मन शांत होईल आणि हळूहळू रक्तदाबही नियंत्रणात येऊ लागेल.

High BP Problem: BP वाढणाऱ्यांनी काय करावं? रक्तदाब नियंत्रणासाठी या टिप्स महत्त्वाच्या

फोटो

ताज्या बातम्या