एक से एक Marathi Mhani, मराठी भाषेचं सौंदर्य वाढवणाऱ्या दर्जेदार अस्सल 'मराठी म्हणी'..!

Published by:Pooja Jagtap

Last Updated:February 23, 2024 10:20 AM IST

Marathi Mhani With Meaning : मराठीच्या सेवेला वाहून घेणाऱ्या कुसुमाग्रजांचा जन्मदिनच मराठी भाषा दिन म्हणून साजरा केला जातो. 27 फेब्रुवारी हा मराठी भाषा दिन. भाषेचा दर्जा उंचावण्यासाठी आणि भाषेचे सौंदर्य वाढविण्यासाठी म्हणी, वाक्प्रचारांचा योग्य ठिकाणी वापर आवश्यक असतो. चारचौघात बोलताना भाषा अलंकाराचा वापर केला तर भाषा चातुर्य व भाषेची लवचिकता आत्मसात होते. मराठी भाषेमध्ये दररोजच्या बोलण्यात लिखाणात म्हणींचा वापर सर्रास केला जातो. विद्यार्थ्यांची भाषा विषयावरील प्रभुत्व मिळवायचे असेल तर शब्द संपदा असणे गरजेचे असते.

1/10

आपलेच दात आणि आपलेच ओठ.. कधीकधी एखाद्या निर्णयामुळे जेव्हा आपले नुकसान होते आणि दुसऱ्या कोणाचीच त्यामध्ये काही चूक नसते. अशावेळी हे म्हणले जाते. आपलं ठेवायचं झाकून आणि दुसऱ्याचं पहायचं वाकून.. एखादी व्यक्ती जेव्हा स्वतःबद्दलच्या सर्व गोष्टी लपवून ठेवते आणि दुसर्यांबद्दल सर्वकाही जाणून घेण्यासाठी संख्या चौकशा करते. तेव्हा असे म्हणतात.

2/10

आपला हात जगन्नाथ.. जेव्हा इतरांना सांगितलेले काम ते पूर्ण करत नाही. तेव्हा आपल्याला वाटते आपणच आपल्या हाताने ते काम करावे. अशावेळी ही म्हण लागू होते. आपला तो बाब्या, दुसऱ्याचं ते कार्ट.. लोकं आपल्या गोष्टींचं किंवा आपल्याच मुलांचं कौतुक करतात आणि दुसऱ्याला नाव ठेवतात. अशावेळी ही म्हण वापरतात.

3/10

आलिया भोगासी असावे सादर.आपल्यावर जो प्रसंग येईल, त्याच्याशी दोन हात करण्याची ठेवली पाहिजे. आला भेटीला, धरला वेठीला.. एखाद्या घटनेत किंवा प्रसंगी समोरच्याची चूक नसेल तरीही त्याला चूक ठरवणे.

4/10

अति तेथे माती.. कोणतीही गोष्ट गरजेपेक्षा जास्त केल्यास किंवा वाद ताणल्यास त्याची किंमत कमी होते. आंधळं दळतं, कुत्रं पीठं खातं.. एखाद्या व्यक्तीने केलेल्या कामाचं श्रेय दुसराच कुणीतरी घेऊन जातो. तेव्हा ही म्हण लागू होते.

5/10

आधी पोटोबा, मग विठोबा.. काही लोक आधी स्वतःची काम पूर्ण करतात आणि नंतर इतर कोणतेही काम करतात. आडात नाही तर पोऱ्ह्यात कूठून येणार.. लोक म्हणतात आईवडिलांसारखीच त्यांची मुलं असतात.

6/10

आगीशिवाय धूर दिसत नाही.. एखादी गोष्ट घडल्याशिवाय त्याचे परिणाम दिसत नाही. वड्याचं तेल वांग्यावर.. घडलेल्या एखाद्या गोष्टीचा किंवा एखाद्या व्यक्तीचा राग दुसऱ्यावर काढणे.

7/10

बुडत्याला काठीचा आधार.. संकटकाळात एखादी छोटी गोष्ट किंवा सामान्य व्यक्तीही कामी येणे. अंथरूण पाहून पाय पसरावेत.. आपल्याकडे उपलब्ध गोष्टींमध्येच आनंद मानावा.

8/10

अडला हरी गाढवाचे पाय धरी.. गरज पडल्यास कोणाचीही मदत घेऊ शकतो. कावळ्याच्या शापाने गाय मरत नाही.. दुष्ट किंवा चुकीच्या व्यक्तीच्या बोलण्याने चांगल्या व्यक्तीला काहीही फरक पडत नाही.

9/10

अती शहाणा त्याचा बैल रिकामा.. एखाद्या आपण जास्त शहाणपणा दाखवायला जाणे आणि तिथे आपलीच फसगत होणे. म्हणजे आपलेच काम फसणे. अर्ध्या हळकुंडाने पिवळं होणं.. थोड्याशा कौतुकानेही खूप खुश होणं.

10/10

अळीमिळी गुपचिळी.. आपल्या मनातलया गोष्टीबाबत कोणालाही काहीही कळू न देणं. ओल्याबरोबर सुके जळते.. वाईट लोकांच्या संगतीत राहिल्यासने बऱ्याच चांगल्या लोकांना त्रास होतो, त्यांचे नुकसान होते.

एक से एक Marathi Mhani, मराठी भाषेचं सौंदर्य वाढवणाऱ्या दर्जेदार अस्सल 'मराठी म्हणी'..!

फोटो

ताज्या बातम्या