मुंबईकर तरुणाचा असा लिगल 'डंकी रुट' 27 देशातून तो पोहोचला लंडनला, कुणी अडवलं नाही का?

मुंबईतील तरुणाने मोठा विक्रम प्रस्थापित केला आहे. दुचाकीवरून एकट्याने मुंबई - लंडन - मुंबई प्रवास करणारा योगेश अलेकरी पहिला भारतीय ठरला आहे.

दुचाकीवरून योगेशने 136 दिवसांमध्ये मुंबई ते लंडन आणि पुन्हा लंडन ते मुंबईचा प्रवास केला. विशेष म्हणजे त्याचा हा प्रवास 27 देश आणि आशिया व युरोप या दोन खंडातून झाला.

योगेशने आशिया आणि युरोपमधील 27 देशांतून दुचाकीवरून प्रवास करून विक्रम केला आहे. या प्रवासात त्याने 'सुरक्षित प्रवास व रस्ता सुरक्षा' आणि 'वसुधैव कुटुंबकम्' या दोन संदेशांचा प्रसार करून तो हजारो लोकांपर्यंत पोहचला.

नवी मुंबईतील रहिवासी योगेश अलेकरी याने 27 जुलै रोजी मुंबई सेंट्रल येथील राज्य परिवहन विभागातून मुंबई-लंडन प्रवासाला सुरुवात केली. त्यानंतर त्याने 16 सप्टेंबर रोजी लंडन गाठले.

लंडन येथील भारतीय दुतावासाला भेट दिली. त्यावेळी गणेशोत्सव सुरू होता. या उत्सवात रस्ते सुरक्षेबाबत जनजागृती करण्यात आली. तसेच ब्रायटन समुद्रकिनाऱ्यालाही त्याने भेट दिली.

योगेशने जगभरातील अनेक प्रसिद्ध ठिकाणांना भेट दिली. तसेच ठिकठिकाणी जाऊन रस्ते सुरक्षेविषयी जनजागृती केली.

हमास आणि इस्राएलमधील युद्धामुळे परतीच्या प्रवासात त्याला मार्ग बदलावा लागला. तसेच पाकिस्तानकडून व्हिसा न मिळाल्याने तो दुबईहून विमानाने कोचीला आला.

कोचीवरून रस्ते मार्गाने कर्नाटक, गोवा, कोल्हापूर, कराड असा प्रवास करून 17 डिसेंबर रोजी तो मुंबईत पोहचलो.

या मोहिमेद्वारे रस्ते सुरक्षा आणि जबाबदार नागरिक याबाबतचा संदेश योगेशने नागरिकांना दिला.