Hardik Pandya : हार्दिक भावालाच विसरला!, वाढदिवसाला साध WISH केलं नाही, पांड्या ब्रदर्समध्ये भांडण की आणखीण काही...

टीम इंडियाचा स्टार ऑलराऊंडर हार्दिक पांड्या याचा भाऊ कृणाल पांड्या याचा आज वाढदिवस आहे. या वाढदिवसानिमित्त त्याच्यावर शुभेच्छांचा वर्षाव होत आहे.

कृणाल पांड्या याच्या या वाढदिवसानिमित्त त्याची बायको पंखुरी शर्मा हिने सोशल मीडियावर पोस्ट शेअर करून त्याला शुभेच्छा दिल्या आहेत. तुझ्या वाढदिवसानिमित्त, तू किती अप्रतिम आहेस याची मला तुला आठवण करून द्यायची आहे.तुझ्यात असलेली ताकद, आयुष्य तुझ्यासमोर जे काही आणतं, त्या प्रत्येक गोष्टीला तू ज्या शांतपणे आणि धैर्याने सामोरे जातेस,असे पंखुरी लिहते.

कधीकधी कठोर वाटणाऱ्या या जगातही, तू दयाळू, विचारशील आणि प्रेमळ राहतेस.आणि आपल्या मुलांसाठी, तूच त्यांचं जग आहेस. प्रेम, सामर्थ्य आणि चांगुलपणा खरंतर काय असतं, हे ते तुझ्याकडून कायमच शिकून घेतील, असा आदर्श ते तुझ्याकडे पाहतील,असेही पंखूरी कृणालच कौतुक करताना लिहते.

आपण हे आयुष्य एकत्र घडवू शकतो,आपल्या मुलांना एकत्र वाढवू शकतो आणि यामधील प्रत्येक लहान क्षण एकत्र घालवू शकतो, यासाठी मी खूप कृतज्ञ आहे. हा प्रवास तुझ्याशिवाय दुसऱ्या कोणासोबतही करायला मला आवडणार नाही.हे तुझ्यासाठी-तुझ्या सामर्थ्यासाठी, तुझ्या हृदयासाठी आणि तुला 'तू' बनवणाऱ्या प्रत्येक गोष्टीसाठी.माझं तुझ्यावर नेहमीच प्रेम राहील,अशा शब्दात ती कृणाल पांड्याला वाढदिवसाच्या शुभेच्छा देते.

बायकोच्या पंखुरी शर्माच्या हृदयस्पर्शी पोस्टवर नंतर कृणाल पांड्या थँक्यू सो मच लव अशी प्रतिक्रिया देतो. पण या सगळ्या गोष्टींमध्ये कृणाल पांड्याच्या जीवाभावाचा लहान भाऊ हार्दिक पांड्या नेमका कुठे हा असा सवाल उपस्थित होत आहे.

वहिनी पंखूरी शर्माच्या या पोस्टवर हार्दिक पांड्या कुठे आहे? कृणाल पांड्याला तो वाढदिवसाच्या शुभेच्छा का देत नाही आहे? असे प्रश्न उपस्थित होत आहे. तसेच आम्ही हार्दिकचे सोशल मिडिया हँडल देखील तपासले त्यावर देखील त्याने आपल्या मोठा भावासाठी कोणतीच पोस्ट केलेली नाही आहे.

एकवेळ अशी होती जेव्हा हे दोन्ही खेळाडू एकत्र सण साजरे करायचे. अनेक कार्यक्रमात दोघेही एकत्र स्पॉट व्हायचे.पण जेव्हापासून हार्दिकच्या आयुष्यात माहिका शर्मा आली आहे तेव्हा पासून दोन्ही भावांमध्ये दुरावा आल्याचे बोलले जात आहे.

सोशल मीडियावर देखील पांड्या ब्रदर्समध्ये काहीतरी मोठं भांडण झाल्याचं बोललं जात आहे.पण नेमक्या कोणत्या कारणावरून हे भांडण झालं आहे. याची माहिती मिळू शकलेली नाही आहे.

दरम्यान टीम इंडियाच्या वर्ल्ड कप विजयानंतरही कृणाल पांड्याने खेळाडूंना शुभेच्छा देणारी पोस्ट केली नव्हती. या संघाचा भाग हार्दिक पांड्या होत्या.त्याची या विजयात मोलाची भूमिका होती.त्यामुळे आपल्या भावाचा फोटो ठेवून कृणाल पंड्या शुभेच्छा देऊ शकला असता.पण कृणाल पंड्याने ती गोष्ट टाळली होती. तेव्हापासून दोघांमध्ये बिनसल्याची चर्चा आहे. दरम्यान पांड्या ब्रदर्समध्ये कोणत्या कारणावरून वाद झाला आहे? याची माहिती समोर आली नाही आहे.