Watermelon or Muskmelon : कलिंगड की खरबूज... उन्हाळ्यात कोणतं फळ खाणं जास्त फायदेशीर?

जर खरबूज आणि कलिंगड यांच्यातून मिळणाऱ्या कॅलरीज बद्दल जाणून घेऊयात. 100 ग्रॅम कलिंगडामध्ये कॅलरीजची मात्रा 30 असते. तर 100 ग्रॅम खरबूजात 28 कॅलरीज असतात. कॅलरीजचा विचार केला तर या दोन्ही फळांमध्ये जास्त अंतर नाही.

उन्हाळयात स्वतःला हायड्रेट ठेवणं गरजेचं आहे. तेव्हा खरबूज आणि कलिंगड या दोघांमध्ये पाण्याचे प्रमाण जवळपास 90 टक्के इतके असते. हे प्रमाण शरीराला पूर्ण दिवस हायड्रेट ठेवण्यासाठी पुरेसं असतं.

प्रोटीनचा विचार केला तर कलिंगडापेक्षा खरबूजमध्ये प्रोटीन जास्त असते. 100 ग्रॅम खरबुजामध्ये 1.11 ग्रॅम प्रोटीन असते तर 100 ग्रॅम कलिंगडमध्ये 0.61 ग्रॅम प्रोटीन आढळते. परंतु या दोन्ही फळांमध्ये लिपिड फॅटचे प्रमाण कमी असते ज्यामुळे ही फळ खाल्ल्याने तुम्ही मसल गेन करू शकत नाही.

वजन कमी करण्याचा विचार करत असाल तर दोन्ही फळांचा आहारात समावेश करू शकता. कारण कलिंगड आणि खरबूज या दोघांमध्ये शुगर आणि कार्बोहाइ्रेटचे प्रमाण कमी असतं.

कलिंगड आणि खरबूज दोघांमध्ये फायबरचे प्रमाण भरपूर असते, त्यामुळे तुमचं पोट दिर्घकाळ भरल्यासारखे वाटते.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)