Santosh Deshmukh Case: बीडमध्ये नवीन सिंघम..., देशमुख हत्या प्रकरणाचा तपास करणारे नवनीत कांवत कोण?

बीडच्या केज येथील मस्साजोगचे सरपंच संतोष देशमुख यांच्या हत्या प्रकरणाने राजकारण चांगलेच पेटले आहे. या प्रकरणात मुख्यमंत्री देवेंद्र फडणवीस यांनी शनिवारी विधानसभेत बीडचे पोलीस अधीक्षक अविनाश बारगळ यांच्या बदलीचे आदेश दिले होते.यानंतर बारगळ यांची तडकाफडकी बदली केल्यानंतर अवघ्या 24 तासांत बीडला नवीन पोलीस अधीक्षक मिळाले आहेत.

बीडच्या पोलीस अधिक्षकपदी नवनीत कांवत यांची नियुक्ती करण्यात आली आहे. नवनीत कांवत यांची धडाडीचे पोलिस अधिकारी म्हणून पोलीस दलात ख्याती आहे. आता संतोष देशमुख हत्या प्रकरणाचा तपास ते करणार आहेत. त्यामुळे नवनीत कांवत कोण आहेत? अशी चर्चा बीडमध्ये सुरु झाली आहे.

नवीन कावंत हे 2017 बॅचचे आयपीएस अधिकारी आहेत. छत्रपती संभाजी नगर शहरात उपायुक्त असलेले नवीन कांवत हे बीडचे नवीन पोलीस अधिक्षक म्हणून पदभार स्विकारणार आहेत.

नवनीत कांवत हे मुळचे राजस्थानचे आहेत. त्यांनी आयआयटी रूरकीमधून इलेक्ट्रीकट इंजिनियरींग केली आहे. नवनीत कांवत यांचे वडील निवृत्त रेल्वे अधिकारी आहेत.

नवनीत कांवत यांचे सहावीपर्यंतचे शिक्षण मुराबादमध्ये झालं आहे. त्यानंतर सहावी ते बारावीचे शिक्षण सैनिक स्कुल चित्तोडगढ इथे झालं आहे. नवनीत यांनी दहावीत टॉप केलं आहे.

बारावीनंतर नवनीत यांनी आयआयटीमध्ये प्रवेश केला तिथे त्यांनी बी.टेक केलं. नवनीत यांनी IIT मधून पदवी मिळवल्यानंतर त्यांनी सॉफ्टवेअर डिझाईन इंजिनियर म्हणून खाजगी कंपनीत नोकरी केली.

नवनीत कांवत यांनी स्पर्धा परीक्षेचा अभ्यास सूरू केला. स्पर्धा परिक्षेसाठी ते दिल्लीत आले.तिथे नवनीत कांवत अभ्यास करून 2017 साली IPS बनले.

दरम्यान या प्रकरणात मुख्यमंत्री देवेंद्र फडणवीस यांनी शुक्रवारी उच्च न्यायालयाचे निवृत्त न्यायमुर्तीकडून स्वतंत्रपणे चौकशी करणार असल्याची घोषणा केली होती. त्याचसोबत नवनीत कांवत यांची देखील पोलीस अधिक्षकपदी नियुक्ती झाली आहे. त्यामुळे देशमुख हत्या प्रकरणाचा उलगडा करण्यात त्यांना यश येते का?हे पाहणे महत्वाचे ठरणार आहे.