Satara : शिवेंद्रराजेंच्या प्रचारासाठी कन्या मृणालीराजे मैदानात, थेट पोहोचल्या भाजी मंडईत

विधानसभा निवडणुकीत साताऱ्यात भाजपने शिवेंद्रसिंहराजे भोसले यांना उमेदवारी दिलीय. तर त्यांच्याविरोधात ठाकरे गटाने अमित कदम यांना तिकीट दिलंय. आता प्रचाराला जोरदार सुरुवात झालीय.

भाजपचे उमेदवार शिवेंद्रसिंहराजे यांच्या प्रचारासाठी त्यांची लेक मृणालीराजे मैदानात उतरल्या आहेत.

मृणालिनीराजे या साताऱ्यात शिवेंद्रराजे भोसले यांचा प्रचार करताना दिसून आल्या. भाजी मंडईत जाऊन त्यांनी लोकांशी संवाद साधला.

मृणालीराजे यांनी सकाळी लवकर भाजी मंडई गाठत प्रचाराला सुरुवात केली. भाजी विक्रेते, ग्राहक यांच्याशी त्यांनी संवाद साधला.

मृणालीराजे पहिल्यांदाच प्रचारासाठी किंवा राजकीय कार्यक्रमात दिसल्यानं आता छत्रपती घराण्यातली चौथी पिढी राजकारणात उतरल्याची चर्चा यामुळे सुरू झालीय.

शिवेंद्रराजेंना तुमचं मत द्या असं आवाहन करत मृणालीराजे यांनी शिवेंद्रराजेंचं चिन्ह आणि माहिती असलेलं पॅम्प्लेट वाटप केलं.

वडिलांच्या प्रचारात मृणालीराजे सक्रीय झाल्या आहेत. लोकांच्या गाठीभेटी घेतल्यानंतर मृणालीराजे म्हणाल्या की, चांगल्या मतांनी वडील शिवेंद्रराजे भोसले निवडून येतील.