Shani Krupa: शुभ संकेत! शनिवारी दिसल्या या गोष्टी तर समजा अडचणींचा काळ संपला

प्रत्येक व्यक्तीला जीवनात कधी ना कधी शनी साडेसाती, महादशा आणि अडीचकी इत्यादीतून जावे लागते. परंतु, तुमचे कर्म चांगले असेल तर या स्थितीतही तुमचे कधीही वाईट होणार नाही. म्हणूनच कर्म चांगले करावे, असे म्हटले जाते. एखाद्या व्यक्तीच्या कर्मावर शनिदेव प्रसन्न होतात आणि त्या व्यक्तीचा आशीर्वाद मिळतो, तर त्याचे भाग्य उजळते. त्याचा रंकाचा राजा व्हायला वेळ लागत नाही.

शनिदेवाची तुमच्यावर कृपा आहे, हे तुम्ही काही संकेतावरून जाणून घेऊ शकता. तुम्हाला शनिवारी काही गोष्टी दिसल्या तर समजून घ्या की, ही शनिदेवाची महिमा आहे. हे संकेत म्हणजे शनिदेवाच्या कृपेने तुमचे भाग्य लवकरच चमकणार आहे.

भिक्षुक दिसणे - गरजूंना मदत केल्यानं शनिदेव प्रसन्न होतात. शनिवारी सकाळी एखादा भिकारी-भिक्षुक तुमच्या दारात आला तर त्याला कधीही शिवीगाळ करून हाकलून देऊ नका. हे खूप शुभ मानले जाते आणि शनिदेवाच्या कृपेचे लक्षण आहे. अशा वेळी आपल्या क्षमतेनुसार दान करून त्याला मदत करा. यामुळे शनिदेव खूप प्रसन्न होतात.

स्वच्छता करणारे लोक - तुम्ही सकाळी काही काम करण्यासाठी घराबाहेर पडला असाल आणि अचानक तुम्हाला एखादा सफाई कामगार रस्ता झाडताना दिसला तर तेदेखील खूप शुभ मानले जाते. त्या व्यक्तीला तुमच्या परीनं नक्की काहीतरी द्या. याचा अर्थ आता शनिदेव तुमच्यासोबत आहेत. तुम्हाला तुमच्या कामात नक्कीच यश मिळेल.

काळा कुत्रा - शनिवारी सकाळी रस्त्यावर काळा कुत्रा दिसणेदेखील शुभ मानले जाते. काळ्या कुत्र्याला शनिदेवाचे वाहन मानले जाते. काळ्या कुत्र्याला दूध, रोटी, मोहरीच्या तेलाचा पराठा, भाकरी वगैरे खाऊ घाला. यामुळे शनिदेव खूप प्रसन्न होतात आणि त्यांचा आशीर्वाद तुमच्यावर कायम राहतो.