राम मंदिराच्या प्रतिष्ठापनेचं पुणे कनेक्शन, 'या' ज्योतिषानं सांगितला शुभ मुहूर्त

अयोध्येत उभारल्या जाणाऱ्या भव्य राम मंदिराच्या प्राणप्रतिष्ठापनेची तयारी देशभर सुरू आहे. प्राणप्रतिष्ठापनेचा भव्य सोहळा 22 जानेवारीला होत आहे. सोमवारी मृगाशिरा नक्षत्रातील मुहूर्त खास असल्याचे सांगितले जात आहे. पण अनेकांना माहिती नसेल की हा शुभमुहूर्त पुण्यातील पंचांगकर्ते गौरव देशपांडे यांनी काढला आहे.

गौरव देशपांडे हे पुण्यातील प्रसिद्ध पंचांगकर्ते आहेत. व्यवसायानं ते आयटी अभियंता असून इतर वेळी याचा अभ्यास करतात. त्यांच्या देशपांडे पंचांगाचं दरवर्षी प्रकाशन होत असतं. गेले कित्येक वर्ष ते या सगळ्या वेद शास्त्रीय अभ्यासात कार्यरत आहेत.

राम मंदिराची प्राणप्रतिष्ठा 22 जानेवारी या तारखेला का? याविषयी बोलताना पंचांगकर्ते गौरव देशपांडे सांगतात की, एप्रिल 2023 मध्ये राम जन्मभूमी न्यासचे कोषाध्यक्ष गोविंद गिरी महाराज यांनी त्यांना आश्रमात बोलवलं होतं. राम मंदिर प्रतिष्ठापनेचा अतिशय शुद्ध असा मुहूर्त आम्हाला हवा आहे, असं त्यांनी बजावलं. 25 जानेवारीच्या आतला आणि उत्तरायणा मधला मुहूर्त हवा होता, अशी भूमिका गोविंद गिरी महाराज यांनी मांडली होती. त्यानुसार 22 जानेवारीचा शुभमुहूर्त निश्चित केल्याचे देशपांडे यांनी सांगितले.

राम प्रभूंची प्रतिष्ठापना होताना पौष महिना आहे. पौष महिन्याबद्दल अनेक प्रकारचे समज गैरसमज लोकांमध्ये असतात. पौष महिन्यात शुभ कामं करू नयेत, असं म्हटलं जातं. त्या दृष्टीनं प्राचीन ग्रंथ हस्तलिखित फॉरमॅटमध्ये आहे, त्यांची छाननी सुरू झाली.

त्यामध्ये बृहद् दैवत नरंजन विद्या माधवीय मुहूर्त गणपती इत्यादी ग्रंथांचं परिशिलन केल्यानंतर, प्राण प्रतिष्ठेसाठी पौष महिना हा अतिशय उत्तम सांगितला आहे. त्याचं फळ देताना आचार्य असं सांगतात की पौष महिन्यात प्राण प्रतिष्ठा केली तर राज्याची वृद्धी होते, लोकांना लाभ होतो. जनता सुखी होते, असं फलित दिलं, तेवढं पाहून पौष महिना फिक्स करण्यात आला, असं देशपांडी यांनी सांगितले.

पुढे देशपांडे सांगतात की, मृग नक्षत्र हे अतिशय उत्तम आहे. प्राण प्रतिष्ठापनेसाठी त्यामुळं द्वादशी सोमवार मृग नक्षत्र या सर्वांचा मिळून दिवस आला तो 22 जानेवारी 2024. यातील वेळ सुद्धा महत्त्वाची होती. प्राण प्रतिष्ठापना होणार अयोध्याला, त्यामुळे आयोध्यातील रेखांश आणि अक्षांश याचा अभ्यास करण्यात आला.

त्यानुसार मेष लग्नाचा सव्वा दोन तासाचा वेळ काढून देण्यात आलेला आहे. मूर्तीची स्थिर प्रतिष्ठापणा होणार असून पुढं हजारो वर्ष राहणार आहे. त्यासाठी पंधरा ते वीस मिनिटांचा स्थिर मुहूर्त काढून दिला आहे.