IND vs PAK : टॉस जिंकून पाकिस्तानचा धक्कादायक निर्णय, कॅप्टन सूर्याने टीम इंडियात केले दोन बदल!

पाकिस्तान सरकारने सुरूवातीला भारताविरुद्धच्या सामन्यावर बहिष्कार टाकत असल्याची घोषणा केली, पण आयसीसीच्या इशाऱ्यानंतर पाकिस्तानने मॅच खेळणार असल्याचं स्पष्ट केलं.

पाकिस्तान सरकारने भारत-पाकिस्तान सामन्याला हिरवा कंदील दिला असला तरी त्यानंतर पावसाच्या अंदाजामुळे पुन्हा एकदा सामन्यावर संकट ओढावलं आहे. कोलंबोमध्ये रात्री पावसाचा अंदाज हवामान खात्याने दिला आहे, तसंच दुपारपासून कोलंबोचं वातावरण ढगाळ आहे.

या सामन्यामध्ये पाकिस्तानचा कर्णधार सलमान आगा याने टॉस जिंकून पहिले बॉलिंगचा निर्णय घेतला आहे.

आम्हाला आधी फलंदाजीच करायची होती. गेल्या दोन सामन्यांत आम्ही लक्ष्याचा बचाव करून विजय मिळवला आहे. त्यामुळे त्यात आम्हाला बदल करायचा नाहीये. हा एक मोठा प्रसंग आहे आणि महत्त्वाचा सामना आहे. हा खेळ तुम्हाला खूप काही शिकवतो, कोणत्याही दिवशी कोणताही संघ जिंकू शकतो, असं सूर्यकुमार यादव म्हणाला आहे.

आम्हाला आधी गोलंदाजी करायची आहे. खेळपट्टी थोडी tacky वाटतेय. त्यामुळे सुरुवातीच्या काही षटकांमध्ये गोलंदाजांना मदत मिळेल असं आम्हाला वाटतंय, ज्याचा आम्हाला फायदा करून घ्यायचा आहे. आमच्या संघात सध्या खूप मोकळं आणि उत्साही वातावरण असून आम्ही या आव्हानासाठी तयार आहोत. हे मैदान SSC (सिंहलीज स्पोर्ट्स क्लब) पेक्षा मोठे आहे आणि इथली खेळपट्टी SSC च्या तुलनेत संथ (slower) आहे. आमच्या संघात कोणताही बदल नाही, असं सलमान आगा म्हणाला आहे.

या सामन्यामध्ये टीम इंडियात 2 बदल करण्यात आले आहेत. अभिषेक शर्मा आणि कुलदीप यादव यांचं कमबॅक झालं आहे.

भारताची प्लेइंग इलेव्हन : अभिषेक शर्मा, ईशान किशन (विकेटकीपर), तिलक वर्मा, सूर्यकुमार यादव (कर्णधार), हार्दिक पंड्या, शिवम दुबे, रिंकू सिंग, अक्षर पटेल, कुलदीप यादव, वरुण चक्रवर्ती, जसप्रीत बुमराह

पाकिस्तान प्लेइंग इलेव्हन : सैम अयुब, साहिबजादा फरहान, सलमान आगा (कर्णधार), बाबर आझम, मोहम्मद नवाज, शादाब खान, फहीम अशरफ, उस्मान खान (विकेटकीपर), शाहीन आफ्रिदी, अबरार अहमद, उस्मान तारिक.