महागड्या रिचार्जमुळे त्रस्त झालाय? स्वस्तात अनलिमिटेड कॉलिंगसह डेटा देतेय ही कंपनी

सरकारी मालकीची दूरसंचार कंपनी भारत संचार निगम लिमिटेड (बीएसएनएल) ने एक नवीन रिचार्ज प्लॅन लाँच केला आहे. हा प्लॅन यूझर्सना अनलिमिटेड कॉलिंग आणि 50 दिवसांची व्हॅलिडिटी देते. बीएसएनएल त्याच्या परवडणाऱ्या रिचार्जसाठी लोकप्रिय आहे आणि वारंवार त्यांच्या यूझर्ससाठी नवीन योजना सादर करते. या नवीन रिचार्ज प्लॅनमध्ये यूझर्सना सुमारे ₹7 प्रतिदिन अनलिमिटेड कॉलिंग, SMS, व्हॅलिडिटी आणि डेटा देखील मिळतो.

BSNLचा ₹347 चा रिचार्ज : सरकारी मालकीची टेलीकॉम कंपनी बीएसएनएलने ₹347 चा प्लॅन जाहीर केली आहे. हा प्लॅन 50 दिवसांच्या व्हॅलिडिटीसह अनलिमिटेड कॉलिंग, दररोज 2GB डेटा आणि दररोज 100 एसएमएस देते.

हा प्लॅन इतर टेलिकॉम कंपन्यांपेक्षा खूपच स्वस्त आहे. डेटा लिमिट पूर्ण झाल्यानंतर, यूझर्स 40Kbpsच्या वेगाने इंटरनेटचा वापर करू शकतील. हे लक्षात घेण्यासारखे आहे की बीएसएनएलने देशाच्या अनेक भागांमध्ये आधीच 4G कनेक्टिव्हिटी सुरू केली आहे आणि पुढील वर्षी यूझर्सना 5G कनेक्टिव्हिटीचा फायदा होईल अशी अपेक्षा आहे.

व्हीआयचा 349 रुपयांचा प्लॅन : व्होडाफोन आयडियाचा 349 रुपयांचा प्लॅन 28 दिवसांचा व्हॅलिडिटी कालावधी देतो. हा प्लॅन यूझर्सना दररोज 1.5GB डेटा, अनलिमिडेट 5G डेटा, अनलिमिडेट कॉलिंग आणि दररोज 100 एसएमएस देतो. याव्यतिरिक्त, यूझर्सना मध्यरात्री 12 ते सकाळी 6 वाजेपर्यंत फ्री डेटा मिळतो.

एअरटेलचा 349 रुपयांचा प्लॅन : व्हीआय प्रमाणेच, एअरटेलचा 349 रुपयांचा प्लॅन देखील अनलिमिडेट 5G डेटा + दररोज 1.5GB, अनलिमिडेट कॉलिंग आणि दररोज 100 एसएमएस देतो. या प्लॅनची ​​व्हॅलिडिटी 28 दिवसांची आहे आणि सोनीएलआयव्हीसह 20 ओटीटी प्लॅटफॉर्मवर फ्री सबस्क्रिप्शन देते. त्याचप्रमाणे, प्लॅनसह Perplexity Pro AI चे वर्षभराचे सबस्क्रिप्शन देखील फ्री दिले जाते.