आता ट्रूकॉलरशिवाय दिसेल कॉल करणाऱ्याचं नावं! 'या' कंपन्यांनी सुरु केली सर्व्हिस 

रिलायन्स जिओ आणि एअरटेलने देशातील अनेक भागांमध्ये कॉलर नेम प्रेझेंटेशन (CNAP) सर्व्हिस सुरू केली आहे. या फीचरमध्ये अनोळखी नंबरवरून येणाऱ्या कॉलर्सचे नाव देखील दाखवले जाते, ज्यामुळे फोन उचलण्यापूर्वीच कॉलर ओळखणे सोपे होते.

पूर्वी या फीचरमध्ये ट्रूकॉलरसारख्या थर्ड-पार्टी अॅप्सवर अवलंबून राहावे लागत असे, परंतु आता, टेलीकॉम रेगुलेटरी अथॉरिटी ऑफ इंडिया (TRAI) च्या आदेशानंतर, टेलिकॉम कंपन्यांनी कॉलरचे नाव दाखवण्यास सुरुवात केली आहे.

आयडीचे नाव स्क्रीनवर दिसेल : कॉलर स्क्रीनवर दिसणारे नाव मोबाइल नंबर खरेदी करताना दिलेल्या आयडीमध्ये दिलेले नाव असेल. हे एक डीफॉल्ट फीचर असेल आणि यूझर्सना ते वापरायचे नसेल तर त्यांना ते डिअॅक्टिव्हेट करावे लागेल. टेलिकॉम कंपन्यांनी गेल्या वर्षी मुंबई आणि हरियाणामध्ये या सेवेच्या टेस्ट घेतल्या आहेत.

ट्राय आणि दूरसंचार विभागाच्या या पावलामुळे फसव्या कॉल्सना आळा बसेल अशी अपेक्षा आहे. यूझर्सना आता कॉल उत्तर देण्यापूर्वीच कळेल की, हा कॉल त्यांच्या ओळखीच्या व्यक्तीचा आहे की त्यांच्याशी संपर्क साधण्याचा प्रयत्न करणाऱ्या अज्ञात व्यक्तीचा आहे. यामुळे लोक हॅकर्स आणि स्कॅमर्सना बळी पडण्यापासून वाचतील आणि सायबर गुन्ह्यांपासून त्यांचे संरक्षण होईल.

सध्या या भागात सर्व्हिस सुरू करण्यात आली आहे : मीडिया रिपोर्ट्सनुसार, रिलायन्स जिओने ही सेवा हरियाणा, पश्चिम बंगाल, राजस्थान, केरळ, बिहार, झारखंड आणि ओडिशासह अनेक राज्यांमध्ये सुरू केली आहे.

एअरटेलने जम्मू आणि काश्मीर, मध्य प्रदेश, गुजरात आणि पश्चिम बंगालमध्येही ही सर्व्हिस सुरू केली आहे. व्होडाफोन आयडियाने महाराष्ट्र आणि तामिळनाडूच्या काही भागात ती सुरू केली आहे. सरकारी मालकीची बीएसएनएल सध्या पश्चिम बंगालमध्ये त्याची टेस्टिंग करत आहे.