BSNLने लॉन्च केलाय 160 दिवसांच्या व्हॅलिडिटीचा रिचार्ज प्लॅन! कोट्यवधी यूझर्सना दिलासा

BSNL recharge plans: आपण अशा काळात जगत आहोत जेव्हा बहुतेक टेलिकॉम सेवा प्रदाते त्यांचे रिचार्ज टॅरिफ वाढवत आहे. तर बीएसएनएल (भारत संचार निगम लिमिटेड) ने काही परवडणारे प्लॅन लाँच करून यूझर्सना दिलासा दिला आहे. बीएसएनएल ही एक सरकारी दूरसंचार कंपनी आहे.

बीएसएनएलने आपल्या यूझर्ससाठी दोन परवडणारे दीर्घ व्हॅलिडिटी असलेले रिचार्ज प्लॅन सादर केले आहेत. जर तुम्ही बीएसएनएल यूझर असाल तर तुम्हाला यातून नक्कीच दिलासा मिळेल. बीएसएनएलच्या या दोन रिचार्ज प्लॅनबद्दल जाणून घेऊया.

Rs 947 plan: 160 दिवसांसाठी व्हॅलिडिटी : बीएसएनएलने 947 रुपयांचा रिचार्ज प्लॅन सादर केला आहे. ते आधी ₹997 च्या किमतीत उपलब्ध होते. बीएसएनएलने त्यांचे दर 50 रुपयांनी कमी केले आहेत. म्हणजेच आता तुम्हाला 947 रुपयांमध्ये 160 दिवसांची व्हॅलिडिटी मिळत आहे.

तुम्ही 160 दिवसांसाठी कोणत्याही नेटवर्कवर अनलिम‍िटेड कॉल करू शकता. यूझर्सला दररोज 2GB हाय स्पीड डेटा मिळत आहे. म्हणजेच एकूण 320GB डेटा मिळत आहे. यासह तुम्हाला दररोज 100 एसएमएस फ्री मिळत आहेत. ज्यांना दीर्घकालीन रिचार्ज हवा आहे त्यांच्यासाठी हा प्लॅन परिपूर्ण आहे.

बीएसएनएलचा 569 रुपयांचा प्लॅन 84 दिवसांची व्हॅलिडिटी देतो. या योजनेची किंमत आधी ₹599 होती. ज्याची किंमत कमी करण्यात आली आहे. यूझर्स कोणत्याही नेटवर्कवर अनल‍िम‍िटेड कॉल करू शकतात. दररोज 3GB हाय-स्पीड डेटा दिला जात आहे. म्हणजेच तुम्हाला एकूण 252GB मिळत आहे. दररोज 100 एसएमएस फ्री दिले जात आहेत. ओटीटीवर जास्त वेळ घालवणाऱ्यांसाठी ही एक चांगली योजना आहे.

जिओ, एअरटेल आणि VI त्यांच्या रिचार्ज प्लॅनच्या किंमती वाढवत आहेत. त्याच वेळी, बीएसएनएलने अशा वेळी आपल्या परवडणाऱ्या योजनांसह यूझर्सला दिलासा दिला आहे.