मुद्याची लढाई, गुद्यावर! काँग्रेस प्रवक्ते हनुमंत पवारांना भाजप कार्यकर्ते दामगुडेंनी केली मारहाण, घटनेचा VIDEO

दरम्यान,  हर्षवर्धन सपकाळ यांनी आपल्या ट्वीटमध्ये आरोप केला आहे की, भाजप गुंड तुषार दामगुडे याने बंदुकीचा धाक दाखवत हनुमंत पवार यांना मारहाण केली आहे. या घटनेचा आम्ही निषेध करतो. देवेंद्र फडणवीस यांच्या आशिर्वादाने या मर्द मावळ्यांच्या महाराष्ट्रात गुंड मवाल्यांचं राज्य फोफावू पाहतंय. या महाराष्ट्र नासवणाऱ्या औलादींना अभय देण्याचे काम गृहमंत्री फडणवीसांनी करू नये, हा महाराष्ट्र तुम्हाला कधीही माफ करणार नाही, या गुंड प्रवृत्तीच्या तुषार दामगुडेला लगेच अटक करून तुरूंगात टाकण्यात यावे, त्याची खरी जागा तीच आहे, अशी मागणी सपकाळ यांनी केली.

या प्रकरणानंतर पुण्यातील काँग्रेसमध्ये संतापाची लाट उसळली आहे. या प्रकरणी अद्याप पोलीस स्टेशनमध्ये तक्रार किंवा गुन्हा दाखल झाला नाही. मात्र, या घटनेचा व्हिडीओ व्हायरल झाला आहे. या प्रकरणी लवकरच कायदेशीर कारवाई केली जाणार अशी माहिती समोर आली आहे.