'बांधकाम केलं तर ठार मारेल'; धमकी देत तरुणाला विहिरीत ढकललं, पुण्यात धक्कादायक घटना

पुणे : खेड तालुक्यातील वडगाव घेनंद येथे बांधकामाच्या किरकोळ वादातून एका तरुणाला चक्क विहिरीत ढकलून देऊन जीवे मारण्याचा प्रयत्न केल्याची खळबळजनक घटना घडली आहे. सुदैवाने, नातेवाईकांनी वेळीच धाव घेतल्यामुळे या तरुणाचे प्राण वाचले असून, याप्रकरणी चाकण दक्षिण पोलीस ठाण्यात गुन्हा दाखल करण्यात आला आहे.