धमकी, छळ आणि अमानुष मारहाण! चारित्र्याच्या संशयावरून पुण्यात विवाहितेला 'नरकवास'; शेवटी गाठला क्रूरतेचा कळस

अमानुष मारहाण आणि धमक्या: आरोपी पती हितेश याने भाग्यश्री यांच्या चारित्र्यावर संशय घेऊन त्यांना वारंवार चामड्याच्या पट्ट्याने बेदम मारहाण केली. इतकेच नाही तर सोन्याची अंगठी आणि चांदीच्या भांड्यांची मागणी करत त्यांचा छळ करण्यात आला. विरोध केल्यास माहेरच्या मंडळींना जिवे मारण्याची धमकीही देण्यात आली. या त्रासादरम्यान आरोपींनी भाग्यश्री यांचे मंगळसूत्र आणि मोबाईल हिसकावून घेत त्यांना गंभीर दुखापत केली.

सततच्या या छळाला कंटाळून भाग्यश्री यांनी अखेर पोलिसांत तक्रार दिली. या तक्रारीवरून सासवड पोलिसांनी तिन्ही आरोपींविरुद्ध गुन्हा नोंदवला आहे. वरिष्ठ पोलीस निरीक्षक कुमार कदम यांच्या मार्गदर्शनाखाली या प्रकरणाचा पुढील तपास सुरू आहे.