Weekly Horoscope: धनु, मकर, कुंभ, मीन राशींचे साप्ताहिक राशीफळ; जानेवारीचा शेवटचा आठवडा भाग्याचा, डबल लाभ

धनू साप्ताहिक राशीभविष्य - धनू राशीच्या लोकांसाठी हा आठवडा संमिश्र ठरेल. काम आणि वैयक्तिक आयुष्यातील अडचणी ओळखण्यात चूक होऊ शकते. आठवड्याच्या सुरुवातीला मोठे खर्च आणि जुनी देणी फेडावी लागू शकतात, त्यामुळे बजेट बिघडेल. नोकरी करणाऱ्यांना लक्ष्य पूर्ण करण्यासाठी जास्त मेहनत घ्यावी लागेल, ज्यामुळे शारीरिक आणि मानसिक थकवा जाणवेल. या आठवड्यात कोणत्याही वादात पडू नका आणि भांडण टाळा.

धनू - व्यवसायात मोठे निर्णय घेताना बाजारस्थिती लक्षात ठेवा आणि धोकादायक गुंतवणूक टाळा. आठवड्याच्या शेवटी विचारपूर्वक केलेले व्यवहार नफा देतील. नातेसंबंध सुधारण्यासाठी कमी बोला आणि जास्त ऐका. प्रेमात जोडीदाराच्या भावना समजून घ्या. कठीण काळात जोडीदार तुमचा आधार ठरेल.भाग्यवान रंग: जांभळाभाग्यवान क्रमांक: 7

मकर साप्ताहिक राशीभविष्य - मकर राशीच्या लोकांसाठी हा आठवडा थोडा अस्थिर राहील. नोकरी करणाऱ्यांवर अचानक कामाचा ताण वाढेल. मेहनत करूनही अपेक्षित यश न मिळाल्याने निराशा येऊ शकते. उच्च शिक्षणासाठी प्रयत्न करणाऱ्या विद्यार्थ्यांना अजून थोडी प्रतीक्षा करावी लागेल. आठवड्याच्या पहिल्या भागात घरात तणावाचे वातावरण राहील. वडिलोपार्जित संपत्तीचे वाद तीव्र होऊ शकतात. मुलं किंवा जोडीदाराशी संबंधित चिंता वाढेल. अपेक्षित यश न मिळाल्यामुळे पळ काढावासा वाटेल, पण समस्या टाळून सुटत नाहीत हे लक्षात ठेवा. जबाबदाऱ्या स्वीकाराव्याच लागतील. नातेसंबंध टिकवण्यासाठी नातेवाईकांच्या सुख-दुःखात सहभागी व्हा, कुजबुज करणाऱ्यांपासून दूर राहा. प्रपोज करण्यासाठी घाई न करता योग्य वेळेची वाट पाहा.भाग्यवान रंग: गुलाबीभाग्यवान क्रमांक: 4

कुंभ साप्ताहिक राशीभविष्य - कुंभ राशीच्या लोकांसाठी हा आठवडा साधारण राहील. आठवड्याच्या सुरुवातीला काम किंवा व्यवसायासाठी प्रवास करावा लागू शकतो. खर्च वाढेल, पण त्याचबरोबर उत्पन्नही सुरू राहील. जमीन किंवा मालमत्तेचा व्यवहार पूर्ण होऊ शकतो, मात्र कागदपत्रांची काळजी घ्या, कारण छोटी चूक पुढे अडचण ठरू शकते. आठवड्याच्या मध्यात नियम तोडणे किंवा खोटं बोलणं टाळा, नाहीतर अपमान होऊ शकतो.

कुंभ - नोकरीत बदलाचा विचार मनात येईल, पण घाईघाईने निर्णय घेऊ नका. व्यवसायात धोकादायक गुंतवणूक टाळा. नातेसंबंधांत तक्रारी वाढू शकतात. पूर्वी बोललेले शब्द अडचणीत आणू शकतात. प्रेमात उतावळेपणा टाळा आणि जोडीदारासाठी वेळ काढा, त्यामुळे वैवाहिक जीवन सुखी राहील.भाग्यवान रंग: पांढराभाग्यवान क्रमांक: 1

मीन साप्ताहिक राशीभविष्य - मीन राशीच्या लोकांसाठी हा आठवडा अत्यंत शुभ ठरेल. घरात आणि बाहेर सर्वांकडून सहकार्य मिळेल. कामाच्या ठिकाणी वरिष्ठांचा पूर्ण पाठिंबा राहील. मोठी जबाबदारी किंवा पद मिळण्याची शक्यता आहे. पत्रकारिता, लेखन आणि संशोधन क्षेत्रातील लोकांसाठी आठवडा विशेष ठरेल. समाजात सन्मान मिळू शकतो. व्यवसायात विस्तार होईल आणि अपेक्षित नफा मिळेल. रोजच्या उत्पन्नात वाढ होईल आणि नवीन उत्पन्नाचे स्रोत सुरू होतील, मार्केटमध्ये तुमची प्रतिष्ठा वाढेल. परदेशात जाण्याचा किंवा उच्च शिक्षणाचा प्रयत्न सफल होऊ शकतो. आठवड्याच्या उत्तरार्धात घरात धार्मिक किंवा शुभकार्य होईल. नातेवाईकांमधील गैरसमज संवादातून दूर होतील. आई-वडील आणि गुरूंचा आशीर्वाद मिळेल. अविवाहितांसाठी नवीन व्यक्ती आयुष्यात येऊ शकते किंवा लग्न ठरू शकते. प्रेमसंबंध आणि वैवाहिक जीवन आनंदी राहील.भाग्यवान रंग: सोनेरीभाग्यवान क्रमांक: 1