Navi Mumbai : खेळत असलेल्या चिमुकल्याच्या गळ्याला स्पर्श झाला अन् होत्याचे नव्हते झाले; चोरट्याचा अंगावर काटा आणणारा प्रताप

क्षणातच त्या व्यक्तीने मुलाच्या गळ्यातील काळा धागा कापला. या धाग्यात सुमारे साडेचार हजार रुपये किमतीचे सोन्याचे पान अडकवलेले होते. चोरी केल्यानंतर ती व्यक्ती तात्काळ घटनास्थळावरून पळून गेली. मुलाला नेमके काय घडले हे सुरुवातीला कळले नाही. काही वेळाने गळ्यातील धागा नसल्याचे लक्षात आल्यानंतर मुलाने रडत घरी येऊन प्रकार सांगितला.

यानंतर पालकांनी परिसरात शोध घेतला मात्र संशयिताचा काहीही पत्ता लागला नाही. अखेर या घटनेची माहिती कळंबोली पोलीस ठाण्यात देण्यात आली. पोलिसांनी अनोळखी व्यक्तीविरोधात चोरीचा गुन्हा दाखल करून तपास सुरू केला आहे. परिसरातील सीसीटीव्ही फुटेज तपासले जात असून आरोपीचा शोध घेण्याचे प्रयत्न सुरू आहेत.