लोणावळ्यातील 'लायन्स पॉइंट'जवळ उभी होती कार; जवळ जाताच पुण्यातील आयटी इंजिनिअरला त्या अवस्थेत पाहून उडाला थरकाप, काय घडलं?

विरेंद्र सिन्हा (वय ३२, रा. पुणे) असे मृत तरुणाचे नाव आहे. विरेंद्र हे बाणेर येथील एका नामांकित आयटी कंपनीत कार्यरत होते. गुरुवारी (१२ फेब्रुवारी) पहाटेच्या सुमारास त्यांची चारचाकी गाडी लायन्स पॉइंट येथे संशयास्पद स्थितीत उभी असल्याचे पोलिसांच्या निदर्शनास आले. तपासात असे समोर आले की, आत्महत्या करण्यापूर्वी विरेंद्र यांनी आपल्या पत्नीला आणि मित्रांना ई-मेल आणि मेसेजद्वारे काही टोकाचे संकेत दिले होते.

लोणावळ्यातील पर्यटनस्थळांवर मृत्यूचे सावट गडद होत चालले आहे. अवघ्या काही दिवसांपूर्वीच मुंबईतील श्रेया नरेंद्र पाटील (वय २०) या कायद्याचे शिक्षण घेणाऱ्या तरुणीने टायगर पॉइंटवरून ४०० फूट खोल दरीत उडी मारून आत्महत्या केली होती. कौटुंबिक वादातून तिने हे पाऊल उचलल्याचे समोर आले होते. श्रेयाचा मृतदेह शोधण्यासाठी प्रशासनाला ३६ तास झुंजावे लागले होते. या घटनेची चर्चा संपत नाही तोच विरेंद्र यांच्या आत्महत्येने पुन्हा एकदा खळबळ उडाली आहे.