पुढील 24 तास महत्त्वाचे, गुढीपाडव्याच्या दिवशी पाऊस राज्याला झोडपणार, हवामान विभागाचा अलर्ट

मुंबई : राज्यातील वातावरणात सतत बदल होत असताना तापमानात वाढ कायम आहे. विदर्भातील तापमान अजूनही 40 अंश पार असल्याचे दिसून येत आहे. त्याचबरोबर पुढील 24 तासांत राज्यातील विविध भागांत पावसाची शक्यता देखील हवामान विभागाने वर्तवली आहे. कोकण आणि पश्चिम महाराष्ट्रासह मराठवाड्यातही 30 मार्चला ढगांच्या गडगडाटासह हलक्या पावसाची शक्यता असल्याचे हवामान विभागाने सांगितले आहे. गुढीपाडव्याच्या दिवशी राज्यातील काही प्रमुख शहरांमधील तापमान आणि हवामानाची स्थिती कशी असेल पाहुयात.