उन्हाचा कडाका आणखी वाढणार! कोकणात उष्णतेचा येलो अलर्ट, तुमच्या जिल्ह्यात काय स्थिती?

मुंबई : उन्हाळ्याच्या सुरुवातीपासूनच तापमानात बरीच वाढ बघायला मिळाली होती. मार्च महिन्याच्या पहिल्या आठवड्यात राज्यातील तापमानात काहीशी घट झाल्याने नागरिकांना दिलासा मिळाला होता. मात्र, आता मार्च महिन्यात राज्यातील तापमानात चांगलीच वाढ होताना दिसून येत आहे. ठाणे, मुंबई, रायगड, रत्नागिरी या जिल्ह्यामध्ये उष्ण आणि दमट वातावरण बघायला मिळणार असून उष्णतेचा येलो अलर्ट देखील हवामान विभागाकडून देण्यात आला आहे. महिला दिनाच्या दिवशी राज्यातील प्रमुख शहरांमध्ये तापमान आणि हवामानाची स्थिती कशी असेल पाहुयात.