पुणे हादरलं! 1 रुपयाच्या वादातून कोयत्याने छाटला हात, रक्ताच्या थारोळ्यातून पोलिसांनी पिशवीत भरला पंजा अन्...

पुणे: विद्येचे माहेरघर असलेल्या पुण्यात किरकोळ वादातून गुन्हेगारीच्या घटनांनी पुन्हा एकदा डोकं वर काढलं आहे. महर्षीनगर येथील 'नादब्रह्म डोसा सेंटर'च्या शेजारी असलेल्या टपऱ्यांच्या चालकांमध्ये पदार्थांच्या दरावरून झालेल्या वादाचे रूपांतर जीवघेण्या हल्ल्यात झाले. या हल्ल्यात एका २९ वर्षीय तरुणाचा हाताचा पंजा मनगटापासून वेगळा झाला आहे. तर, त्याच्या सोबतच्या एकाच्या डोक्याला गंभीर दुखापत झाली आहे. याप्रकरणी स्वारगेट पोलिसांनी तातडीने कारवाई करत तिघांना ताब्यात घेतले आहे.