मेडिकलवरून घरी जात होती, नराधमाने रस्त्यात गाठलं, पुण्यात दगडाने ठेचून तरुणीची हत्या, शेवटचा संवाद समोर

उरुळी कांचन: पुणे जिल्ह्यातील उरुळी कांचन पोलीस ठाण्याच्या हद्दीत थरकाप उडवणारी घटना घडली आहे. इथं बुधवारी रात्री मेडिकलमध्ये काम करून घरी परतणाऱ्या तरुणीची दगडाने ठेचून हत्या करण्यात आली आहे. हत्येपूर्वी तरुणीने आपल्या घरी शेवटचा फोन केला होता. यात ती घाबरलेल्या अवस्थेत होती. तिने आपल्या भावाला तातडीने गेटवर देखील बोलावलं होतं. मात्र भाऊ गेटवर यायच्या आधीच घरापासून काही अंतरावर तरुणीची दगडाने ठेचून हत्या करण्यात आली. ही घटना बुधवारी रात्री ८ वाजण्याच्या सुमारास कोरेगाव मूळ-प्रयागधाम रस्त्यावर घडली.