Trending:

Pune Crime : हिंजवडीत अजित पवारांच्या निकटवर्तीयाच्या मुलावर हल्ला! तडीपार गुंडांकडून सपासप वार, 'बेलबॉटम' हॉटेलमध्ये काय घडलं?

Published by:Saurabh Talekar

Last Updated:October 20, 2025 11:57 AM IST

Pune Crime News Today : पुण्यातील हिंजवडी परिसरात राज्याचे उपमुख्यमंत्री अजित पवार यांचे निकटवर्तीय धनंजय विनोदे यांचे चिरंजीव अजिंक्य विनोदे यांच्यावर झाल्याची घटना समोर आली आहे.

इम्पॅक्ट शॉटतुमचा गेटवे लेटेस्ट न्यूज

Pune Crime News : पुण्यातील आयटी नगरी असलेल्या हिंजवडी परिसरात राज्याचे उपमुख्यमंत्री अजित पवार यांचे निकटवर्तीय धनंजय विनोदे यांचे चिरंजीव अजिंक्य विनोदे यांच्यावर खुनी हल्ला झाल्याची धक्कादायक माहिती समोर आली आहे. हॉटेलचे भाडे मागण्यासाठी गेलेल्या अजिंक्य विनोदे यांना त्यांच्या भाडेकरूंनी काल दुपारी 3.15 च्या सुमारास पिझ्झा कटर, काटे चमचा आणि सिमेंट ब्लॉकने जबर मारहाण केल्याचं समोर आलं आहे. त्यामुळे आता पुण्यात सुरक्षित आहे तरी कोण? असा सवाल विचारला जाऊ लागला आहे.

'बेलबॉटम' हॉटेलमध्ये राडा

समोर आलेल्या माहितीनुसार, हिंजवडी जुना जकात नाका परिसरातील 'बेलबॉटम' हॉटेलमध्ये ही घटना घडली. वाद पेटल्यानंतर 5 ते 6 जणांनी अजिंक्य विनोदे यांच्यावर हल्ला केला. हल्ला झाल्यानंतर त्यांना तातडीने रुग्णालयात दाखल करण्यात आलं. त्यामुळे अजिंक्य विनोदे यांचा जीव वाचला. अजिंक्य विनोदे हे चिंचवड येथील जयहिंद बँकेचे संचालक आहेत. तसेच ते वाकड भागात अजिंक्य विनोदे हे राष्ट्रवादी काँग्रेस पक्षाचं काम पाहतात.

विविध कलमांखाली गुन्हा दाखल

आरोपींमध्ये सुमित सदाशिव, विकी तीपाले, अथर्व शिंदे, गौतम कांबळे, बंटी ठाकरे आणि समाधान यांची नावे समोर आली आहेत. यातील काही आरोपी सराईत गुन्हेगार असून त्यांच्यावर तडीपारची कारवाई देखील झाली असल्याचे बोलले जात आहे. या प्रकरणी हिंजवडी पोलिसांनी आरोपींविरुद्ध भारतीय न्याय संहिता 109, 189, 191 सह अन्य कलमांखाली गुन्हा दाखल केला आहे. पोलिसांनी काही आरोपींना ताब्यात घेतले असून इतरांचा शोध सुरू आहे.

याला जिवंत सोडायचं नाही...

दरम्यान, अजिंक्य यांचे वडील धनाजी विनोदे हे जयहिंद बँकेचे संस्थापक अध्यक्ष आहेत. ते देखील राष्ट्रवादी काँग्रेस पक्षाचं काम पाहतात. मॅनेजरकडे हॉटेलचे थकीत भाडे मागितल्‍याच्‍या कारणावरून सहा जणांच्‍या टोळक्‍याने अजिंक्‍य विनोदे या तरुणावर खुनी हल्‍ला केला. दुसरा आरोपी गौतम कांबळे याने शिवीगाळ करीत आज याला जिवंत सोडायचे नाही, असे म्‍हणूत आपल्‍या जवळील चाकूने वार केले. आरोपी अथर्व शिंदे याने काटेरी चमच्‍याने डोक्‍यात वार केल्याची माहिती समोर आली आहे.

view comments