Pune: बुधवार पेठेनंतर पुण्यात पुन्हा मोठी कारवाई, आता हडपसरचं मसाज पार्लर, काय घडलं?

हडपसर येथील वर्दळीचं ठिकाण असणाऱ्या गाडीतळ परिसरात हा अवैध प्रकार सुरू होता. हडपसर येथील लक्ष्मीमाता मंदिराजवळील व्हाईट पर्ल स्पा या मसाज पार्लरमध्ये वेश्याव्यवसाय सुरू असल्याची माहिती पोलिसांच्या गुन्हे शाखेला मिळाली. अनैतिक मानवी वाहतूक आणि व्यापार प्रतिबंध कक्षाच्या माहितीच्या आधारे पोलिसांनी बनावट ग्राहकाचा उपयोग करून खातरजमा करत या स्पा मसाज पार्लरवर छापा टाकण्यात आला. यात पार्लरचा व्यवस्थापक सौरभ इंगळे याला अटक करण्यात आली आहे.

मिळालेल्या माहितीनुसार, इंगळे यांनी तरुणींना पैशांचे आमिष दाखवून वेश्याव्यवसायात सहभागी होण्यासाठी प्रवृत्त केले होते. वर्दळीच्या ठिकाणी सुरू झालेल्या या अवैध प्रकारामुळे परिसरात भीतीचे वातावरण पसरले आहे. अशा कुठल्याही गैरप्रकाराची माहिती आढळल्यास नागरिकांनी ताबडतोब पोलिसांना कळवावे असे आवाहन पोलिसांकडून करण्यात आले आहे.