Pune Crime: पुण्यातील ते घनदाट जंगल अन् ओढणी बांधून झाडाला लटकवलेला महिलेचा मृतदेह, पोलीस तपासात धक्कादायक सत्य समोर

पुणे : पुण्याच्या खेड तालुक्यातील सोळू परिसरातून एक अंगावर शहारे आणणारी घटना उघडकीस आली आहे. एकत्र कामावर जाणाऱ्या एका व्यक्तीने आपल्याच ओळखीच्या महिलेचा गळा आवळून निर्घृण खून केला. केवळ खून करूनच तो थांबला नाही, तर हा प्रकार आत्महत्येचा वाटावा यासाठी त्याने मृतदेह झाडाला लटकवून पोलिसांची दिशाभूल करण्याचा प्रयत्न केला. मात्र, आळंदी पोलिसांच्या सतर्कतेमुळे हा बनाव अवघ्या काही तासांत उघड झाला आहे.