Pune News : आयुष कोमकरच्या हत्येच्या 41 दिवसानंतर पुणे पोलिसांची मोठी कारवाई, पोलिसांनी 10 वा आसूड ओढला!

सध्या बंडू आंदेकर हा आयुष कोमकर हत्याप्रकरणी अटकेत असून तो जेलमध्ये आहे. बंडू आंदेकर टोळीवर आतापर्यंत 10 पेक्षाही अधिक गुन्हे दाखल आहेत. पोलिसांनी आंदेकर टोळीकडून पीडित असलेल्या सर्व नागरिकांना पुढे येऊन तक्रार दाखल करण्याचे आवाहन केलं आहे. अशातच आता बंडू आंदेकरची कुंडली समोर आली असून पुणे पोलीस कारवाईचा तडाखा लावत आहेत.

दरम्यान, काही दिवसांपूर्वी पुणे पोलीस प्रशासनाने कुख्यात बंडू आंदेकर याच्या अवैध साम्राज्यावर निर्णायक हल्ला चढवला होता. त्याचा आर्थिक कणा मानल्या जाणाऱ्या नागझरी नाल्यावरील बेकायदा मासळी बाजारावर मोठी कारवाई करण्यात आली होती. मासळी बाजारची अधिकृत इमारत उपलब्ध असूनही, आंदेकरच्या वरदहस्ताने नाल्यावर अतिक्रमण करून हा बाजार अनेक वर्षांपासून चालवला जात होता.

नाना पेठेतील वनराज आंदेकर याच्या नावानं असलेल्या प्रवेशद्वारवर कारवाई करून ते हटवण्यात आलं. सूर्यकांत उर्फ बंडू आंदेकर टोळी मागील 12 वर्षांपासून पुण्यातील गणेश पेठ फिश मार्केटमधील मासे व्यापाऱ्यांना धमकावून आणि दहशतीनं खंडणी वसूल करत होती. याप्रकरणी बंडू आंदेकर याच्यासह त्याच्या घरातील महिलांसह 115 जणांवर फरासखाना पोलीस ठाण्यात गुन्ह्याची नोंद झाली आहे. र्यकांत ऊर्फ बंडू आंदेकर टोळीचा मागील 13 वर्षांपासून दरमहा प्रोटेक्शन मनीच्या नावानं खंडणी उकळण्याचा व्यवसाय उघड केलाय. याप्रकरणी फारसखाना पोलीस ठाण्यात गुन्ह्याची नोंद झाली आहे.