Pune ZP Election Winning Candidate List: पुणेकरांची अजितदादांना साथ, विजयी कारभाऱ्यांची संपूर्ण यादी

शनिवारी झालेल्या मतदानात पुणे जिल्हा परिषद आणि जिल्ह्यातील 13 पंचायत समित्यांसाठी ६८.३५ टक्के मतदान झालं. मतमोजणीला सकाळी 10 वाजता सुरुवात झाली आहे यासाठी जिल्ह्यात स्वतंत्र मतमोजणी केंद्रांची तयारी पूर्ण झाली आहे.

2017 मध्ये झालेल्या जिल्हा परिषद निवडणुकीत राष्ट्रवादी काँग्रेसने निर्विवाद वर्चस्व गाजवले होते. 75 गटांपैकी 44 गट जिंकत एकहाती सत्ता मिळवली होती. शिवसेना दुसऱ्या क्रमांकावर होती, तर भाजप आणि काँग्रेसला प्रत्येकी मर्यादित यश मिळाले होते.मात्र आजची परिस्थिती वेगळी आहे. बदललेली राजकीय समीकरणं, आघाड्यांमधील फूट, आणि दीर्घ प्रशासक राजवट—या सगळ्या पार्श्वभूमीवर येणारे निकाल पुणे जिल्ह्याच्या राजकारणाची नवी दिशा ठरवणारे ठरणार आहेत. चार वर्षांनंतर जनतेने दिलेला कौल नेमका कुणाच्या बाजूने आहे, हे काही तासांत स्पष्ट होणार आहे.