वारी 2024 : तुकोबांची पालखी निवडुंग्या विठोबा मंदिरात, दर्शनासाठी भाविकांची मोठी गर्दी, VIDEO

या निवडुंग्या विठोबाच्या मंदिराची महतीही तितकीच मोठी आहे. या निवडुंग्या विठोबा मंदिराच्या परिसरात पूर्वी सर्व निवडुंगाची झाडं होती. त्यावेळी गोसावी समाजातील अनेक मंडळी वारीला जात. त्यांना विठ्ठलानं दृष्टांत दिला. ‘मी या ठिकाणी निवडुंगाच्या झाडात आहे. मला बाहेर काढा’ हा दृष्टांत मिळाल्यानंतर गोसावींनी शोध घेतला, त्यावेळी त्यांना विठ्ठलाची मूर्ती सापडली. त्यामुळे या देवस्थाला निवडुंग विठोबा मंदिर, असं म्हणतात.

हे मंदिर जवळपास 800 वर्ष जुने आहे. त्याचप्रमाणे पोलिसांचा मोठा बंदोबस्तही याठिकाणी पाहायला मिळतो. मंदिराच्या वतीने वारकऱ्यांच्या राहण्याची, खाण्यापिण्याची व्यवस्थाही करण्यात आली आहे. यानंतर उद्या सकाळी सात वाजता पालखीचे पंढरीकडे प्रस्थान होणार आहे, अशी माहिती मंदिराचे विश्वस्त विशाल धनवडे यांनी लोकल18 शी बोलताना दिली.