Pune News: ढोल-ताशांचा गजर अन् कोट्यवधींचं अर्थकारण, गणेशोत्सवात होते 50000000 रुपयांची उलाढाल

पुणे: गणेशोत्सव हा पुणेकरांच्या जिव्हाळ्याचा विषय आहे. गणेशोत्सवात पुणे शहरातील रस्त्यांवर, गल्लीबोळांत, आगमन आणि विसर्जन मिरवणुकीत गगनभेदी ढोल-ताशांच्या गजराने संपूर्ण वातावरण भारलेलं असतं. पण, या आवाजामागे केवळ सांस्कृतिक उत्साह नाही, तर एक भक्कम अर्थकारण आणि रोजगारनिर्मितीचा मोठा स्रोतही आहे. पुणे आणि पिंपरी-चिंचवडमध्ये दरवर्षी ढोल-ताशा पथकांमधून सुमारे पाच कोटी रुपयांची उलाढाल होत असल्याची माहिती युवा वाद्य पथक ट्रस्टचे अध्यक्ष, ॲड. अनिश पाडेकर यांनी दिली आहे.