Mahashivratri 2025: महाशिवरात्रीला शंकराच्या पिंडीवर चुकूनही अशा वस्तू टाकू नका, संपूर्ण माहिती, Video

आदित्य जोशी गुरुजी यांच्या माहितीनुसार, 15 फेब्रुवारी 2026 रोजी मध्यरात्री 12 वाजून 28 मिनिटांनी महाशिवरात्रीचा विशेष मुहूर्त सुरू होईल आणि 1 वाजून 18 मिनिटांपर्यंत राहील. या कालावधीत जागृत राहून भगवान शिवाची पूजा, जप आणि अभिषेक करणे अत्यंत शुभ मानले जाते.

महाशिवरात्रीच्या दिवशी जलाभिषेक आणि रुद्राभिषेक करून शिवलिंगाची विधीवत पूजा करावी. शिवाला गंगाजल अर्पण करणे अत्यंत शुभ मानले जाते. त्याचप्रमाणे दूध अर्पण करावे, काळे तीळ वाहावेत आणि बिल्वपत्र (बेलपत्र) अर्पण करावे. नैवेद्य म्हणून केळी किंवा गूळ अर्पण करणेही मंगल मानले जाते. गंगाजल, दूध, काळे तीळ आणि बिल्वपत्र हे भगवान शिवाला अत्यंत प्रिय द्रव्य मानले जातात. श्रद्धेने ही अर्पणे केल्यास भगवान शिवाची कृपा लाभते, अशी धार्मिक मान्यता आहे.

मध्यरात्रीच्या मुहूर्तात रुद्राष्टक स्तोत्र, शिव पंचाक्षरी मंत्र — “ॐ नमः शिवाय”, शिव महिम्न स्तोत्र व मंत्र म्हणणे लाभदायक मानले जाते. या दिवशी शक्य असल्यास रात्रभर जागरण करून शिवनामाचा जप करावा.

भगवान शिवाची पूजा करताना लाल रंगाची फुले किंवा रक्तवर्णी वस्तू अर्पण करू नयेत, शिवलिंगावर कुंकू लावू नये, अतिरेकी किंवा अनावश्यक वस्तू शिवपिंडीवर अर्पण करू नयेत. श्रद्धेपोटी अनेकदा विविध वस्तू अर्पण केल्या जातात, मात्र शास्त्रानुसार मर्यादित आणि योग्य वस्तूच अर्पण करणे योग्य मानले जाते.