परशुरामाला डोंगरावर झाले मातेचे दर्शन; पाहा काय आहे रेणुकादेवीची आख्यायिका Video

नांदेड, 13 ऑक्टोबर: येत्या काही दिवसांत शक्तीची उपासना करणारा नवरात्री उत्सव सुरू होत आहे. देशभर विविध ठिकाणी देवीची मंदिरे असून या मंदिरांचं धार्मिक आणि ऐतिहासिक महत्त्व आहे. यवतमाळ-नांदेड सीमेवर नांदेड जिल्ह्यात येणाऱ्या माहूरगडची रेणुकादेवी महाराष्ट्रातील साडेतीन शक्तिपीठांपैकी एक आहे. परशुरामाची जननी म्हणून रेणुकादेवीची ओळख आहे. माहूर तालुक्यात सह्याद्रीच्या पर्वत रांगात आई रेणुकादेवीचे मंदिर नैसर्गिक सौंदर्यात डोंगरावर वसलेले आहे. नवरात्री उत्सवाच्या काळात रेणुकादेवीच्या मंदिरात दर्शनासाठी भाविकांची मोठी गर्दी असते. काय आहे माहूरगडावरील रेणुकादेवीचा इतिहास आणि आख्यायिका ? याबाबतचं श्री रेणुका माता मंदिर माहूरगड मुख्य पुजारी आणि विश्वस्त चंद्रकांत भोपी यांनी माहिती दिली आहे.