अयोध्येत श्रीरामाची मूर्ती बनवणारे मूर्तिकार कोण आहेत? शिल्पकाराचं आहे 'केदारनाथ कनेक्शन'

नवी दिल्ली, 26 डिसेंबर : एकीकडे अयोध्येत राम मंदिराच्या उद्घाटनाची तयारी जोरात सुरू असताना दुसरीकडे म्हैसूरचे अरुण योगीराज शिल्पी यांनी रामलल्लाच्या मूर्तीचे काम पूर्ण केलं आहे. कार्यक्रमाच्या चार दिवस आधी मंदिरात तिची प्रतिष्ठापना होण्याची शक्यता आहे. अरुण हे देशातल्या त्या तीन शिल्पकारांपैकी एक होते, ज्यांना रामलल्लाची मूर्ती बनवण्याचं काम देण्यात आलं होतं. याशिवाय बेंगळुरूचे जीएल भट्ट आणि राजस्थानचे सत्यनारायण पांडे यांच्याकडेही रामलल्लाच्या मूर्ती बनवण्याचं काम सोपवण्यात आलं होतं. 'डेक्कन हेराल्ड'च्या वृत्तानुसार, अरुण म्हणाले, 'रामलल्लाची मूर्ती पूर्ण करण्यासाठी सहा महिने लागले. या मूर्तीची उंची पायापासून कपाळापर्यंत 51 इंच लांब आहे.'