भारतीय क्रिकेट संघाला मिळाला नवा कोच, चॅम्पियन्स ट्रॉफीच्या आधी BCCIचा धाडसी निर्णय

इंग्लंड विरुद्ध होणारी टी-२० आणि वनडे मालिका तसेच आयसीसी चॅम्पियन्स ट्रॉफीच्या आधी बोर्डाने तातडीने हा निर्णय घेतला. ५२ वर्षीय कोटक हे अनेक वर्षापासून राष्ट्रीय क्रिकेट अकादमीत फलंदाजीचे कोच आहेत. ते सिनिअर आणि ए टीम सोबत अनेक वेळा परदेशी दौऱ्यावर गेले आहेत. या निर्णयामुळे अभिषेक नायर यांच्यावर दबाव वाढला आहे. नायर सहाय्यक कोच असताना भारताची कामगिरी अतिशय खराब झाली होती.

ऑस्ट्रेलिया दौऱ्यात भारतीय फलंदाज उघडे पडले. फलंदाजांच्या अनेक त्रुटी समोर आल्या. विराट कोहली ऑफ स्टंपच्या बाहेचे चेंडू खेळून बाद होत होता. कोटक यांनी देशांतर्गत क्रिकेटमध्ये १५ शतकांसह ८ हजारहून अधिक धावा केल्या आहेत.