स्पेसएक्ससोबत जिओचा करार – दुर्गम भागांमध्येही मिळणार हाय-स्पीड इंटरनेट!

भारतातील डिजिटल क्रांतीत नवा टप्पा

जिओ हा जगातील सर्वात मोठा मोबाईल नेटवर्क ऑपरेटर आहे, तर स्टारलिंक हा लो-अर्थ ऑर्बिट (LEO) उपग्रह तंत्रज्ञान वापरून ब्रॉडबँड सेवा पुरवणारा आघाडीचा खेळाडू आहे. हा करार झाल्यानंतर, जिओचे ग्राहक स्टारलिंकच्या ब्रॉडबँड सेवा जिओ स्टोअर्स तसेच ऑनलाइनही खरेदी करू शकतील.

जिओच्या अधिकृत निवेदनानुसार, या करारामुळे भारतभरातील लघु व मध्यम उद्योग, कॉर्पोरेट क्षेत्र तसेच सामान्य नागरिकांसाठी इंटरनेट अधिक सुलभ आणि विश्वासार्ह होणार आहे. स्टारलिंकच्या मदतीने जिओ-एअरफायबर (Jio AirFiber) आणि जिओ फायबर (Jio Fiber) सेवांमध्ये मोठी वाढ होईल. शिवाय, जिओ आणि स्पेसएक्स भारताच्या डिजिटल इकोसिस्टममध्ये आणखी कोणते सहकार्य करू शकतील, यावरही विचार करत आहेत.

दुर्गम भागांतील नागरिकांसाठी संधी

ग्रामीण आणि दुर्गम भागातील नागरिकांसाठी हा करार खूप महत्त्वाचा ठरणार आहे. अनेक भागांत अद्यापही इंटरनेट कनेक्टिव्हिटी फारच कमकुवत आहे, ज्यामुळे शिक्षण, व्यवसाय आणि दैनंदिन जीवनावर मर्यादा येतात. स्टारलिंकच्या उपग्रह तंत्रज्ञानामुळे अशा भागांमध्येही जलद इंटरनेट सहज उपलब्ध होईल, ज्याचा फायदा विद्यार्थ्यांपासून लघु उद्योजकांपर्यंत सर्वांनाच होणार आहे.

जिओ व स्पेसएक्सच्या प्रमुख अधिकाऱ्यांचे मत

रिलायन्स जिओचे ग्रुप सीईओ मैथ्यू ओमन म्हणाले,

"भारतातील प्रत्येक नागरिकाला स्वस्त आणि वेगवान इंटरनेट उपलब्ध करून देणे, हे जिओचे ध्येय आहे. स्टारलिंक भारतात आणण्यासाठी स्पेसएक्ससोबतचा हा करार आमच्या या वचनबद्धतेला बळकट करतो. या भागीदारीमुळे संपूर्ण देशात अखंड ब्रॉडबँड सेवा देण्याच्या दिशेने मोठे पाऊल टाकले जात आहे. विशेषतः, कृत्रिम बुद्धिमत्ता (AI) युगात डिजिटल कनेक्टिव्हिटी अत्यंत महत्त्वाची ठरते, आणि आम्ही त्याचा फायदा भारतीय नागरिकांना करून देऊ इच्छितो."

स्पेसएक्सच्या प्रेसिडेंट आणि मुख्य ऑपरेटिंग ऑफिसर ग्वेने शॉटवेल म्हणाल्या,

"भारतातील डिजिटल क्रांतीत योगदान देण्यासाठी जिओच्या प्रयत्नांचे आम्ही कौतुक करतो. आम्ही जिओसोबत काम करण्यास उत्सुक आहोत आणि भारत सरकारकडून आवश्यक परवानग्या मिळाल्यानंतर स्टारलिंकच्या हाय-स्पीड इंटरनेट सेवांसाठी मार्ग मोकळा होईल."

भारताच्या दूरदराजच्या भागांमध्येही जलद आणि विश्वासार्ह इंटरनेट सेवा पोहोचवण्यासाठी रिलायन्स जिओ (Jio Platforms Limited - JPL) आणि एलन मस्क यांच्या स्पेसएक्स (SpaceX) कंपनीने ऐतिहासिक करार केला आहे. या कराराअंतर्गत, स्पेसएक्सच्या स्टारलिंक (Starlink) उपग्रह-आधारित ब्रॉडबँड सेवेच्या माध्यमातून भारतातील सर्व भागांना इंटरनेट जोडणी मिळणार आहे. विशेषतः, दुर्गम आणि ग्रामीण भागांत जिथे इंटरनेट सेवा पोहोचवणे कठीण होते, तिथेही आता हाय-स्पीड ब्रॉडबँड सहज उपलब्ध होईल.