Thane News : महत्त्वाची बातमी, टीएमटी बस भाड्यात मोठी वाढ होणार; कधी पासून निर्णय लागू?

सध्याची वाढती महागाई तसेच इंधनाच्या दरातील सततचे चढ-उतार आणि वाढलेला खर्च यामुळे ठाणे महानगरपालिका यांच्या वाहतूक सेवेवर मोठा आर्थिक ताण आला आहे. या तोट्यातून बाहेर पडण्यासाठी तब्बल 11 वर्षांनंतर बस भाडे वाढवण्याचा गंभीर विचार सुरू झाला आहे. यासाठी राज्य सरकारकडे प्रस्ताव पाठवण्याची तयारी प्रशासन करत आहे.

सध्या ठाणे परिवहन सेवेचे वार्षिक उत्पन्न सुमारे 90 ते 95 कोटी रुपये आहे. मात्र बसेस चालवण्यासाठी एकूण खर्च 350 कोटी रुपयांपर्यंत पोहोचला आहे. यामध्ये बस देखभालीसाठी 150 कोटी,ई-बस प्रकल्पासाठी 50 कोटी तसेच वीज, इंधन आणि दुरुस्तीचा खर्च एकत्र आहे. वाढत्या मनुष्यबळाच्या खर्चामुळे आणि जुन्या दररचनेमुळे दर्जेदार सेवा देणे कठीण झाले आहे.

शेवटची भाडेवाढ 2015 मध्ये झाली होती उलट 2023 मध्ये एसी बसच्या भाड्यात 40 ते 50 टक्के कपात करण्यात आली होती. मात्र वाढत्या तोट्यामुळे आता भाडेवाढ हा शेवटचा उपाय असल्याचे प्रशासनाचे मत आहे.