Central Railway : कसारा फास्ट ट्रेन आता दिव्याला थांबणार नाही?;नेमकं कारण काय?

दिवा रेल्वे स्थानकात कसारा आणि कर्जत मार्गावरील जलद लोकलला थांबा दिल्याने प्रवाशांची गर्दी प्रचंड वाढली असून यामुळे रोज वादाचे प्रकार घडत आहेत. दिव्यातील प्रवासी आणि कसारा-कर्जत भागातून येणारे प्रवासी यांच्यात लोकलमध्ये चढताना आणि उतरताना सतत वाद होत असल्याचे दिसत आहे. काही वेळा शाब्दिक वाद हाणामारीपर्यंत पोहोचत असल्याची तक्रार करण्यात आली आहे.

यामुळे कल्याण-कसारा रेल्वे पॅसेंजर्स वेल्फेअर असोसिएशनने दिवा स्थानकातील कसारा जलद लोकलचा थांबा तात्काळ रद्द करण्याची मागणी केली आहे. संघटनेचे अध्यक्ष जगदीश धनगर आणि सचिव उमेश विशे यांनी मध्य रेल्वेला निवेदन देत भविष्यात परिस्थिती अधिक गंभीर होऊ शकते असा इशारा दिला आहे.