पुणे: पुणे शहर म्हटलं की येथे जुन्या परंपरा, संस्कृती आणि खाद्य वारसा यांचा अनोखा संगम पाहायला मिळतो. या शहरात अनेक दशकांपासून लोकांच्या चवीवर राज्य करणाऱ्या खाद्य ठिकाणांची परंपरा आजही कायम आहे. अशाच पुण्यातील एम.जी. रोड कॅम्प परिसरात असलेली सिटी बेकरी ही एक ऐतिहासिक ओळख बनली आहे. तब्बल 100 वर्षांची परंपरा लाभलेली ही बेकरी आजही आपल्या खास इराणी चवीमुळे पुणेकरांच्या जिभेवर राज्य करते.