भारतासाठी चीनची अमेरिकेला धमकी, मिस्टर ट्रम्प याला दादागिरी म्हणतात; आम्ही भारताच्या बाजूने ठामपणे उभे

बीजिंग: भारतातील चीनचे राजदूत झू फेईहोंग (Xu Feihong) यांनी अमेरिकेने भारतीय वस्तूंवर 50 टक्क्यांपर्यंत आयात शुल्क (Tariffs) लावण्याच्या नुकत्याच घेतलेल्या निर्णयाचा तीव्र निषेध केला आहे. ही नीती आयात शुल्काचा वापर सौदेबाजीचे साधन म्हणून करते, असे त्यांनी म्हटले आहे. ते पुढे म्हणाले, शांत राहिल्याने फक्त दादागिरी करणाऱ्याला प्रोत्साहन मिळते आणि चीन भारताच्या बाजूने ठामपणे उभा राहील, असेही त्यांनी ठामपणे सांगितले.