US- Iran War: इराण युद्धाला मोठा ब्रेक, डोनाल्ड ट्रम्प घाबरले, युद्धातून माघार; 5 दिवस हल्ला करणार नाही

ट्रम्प यांनी दावा केला की दोन्ही देशांमध्ये मध्यपूर्वेतील सुरू असलेला तणाव पूर्णपणे संपवण्याबाबत गंभीर चर्चा सुरू आहे. या पार्श्वभूमीवर त्यांनी आपल्या सोशल मीडिया प्लॅटफॉर्म ‘Truth Social’ वर पोस्ट करत म्हटले, इराणसोबत गेल्या दोन दिवसांत अतिशय सकारात्मक आणि फलदायी चर्चा झाली आहे. या चर्चेचा उद्देश मध्यपूर्वेतील सुरू असलेल्या संघर्षाचा पूर्ण तोडगा काढणे हा आहे. दोन्ही देशांमध्ये सखोल आणि विस्तृत चर्चा सुरू असून त्या संपूर्ण आठवडाभर चालणार आहेत.

ते पुढे म्हणाले की, या चर्चेच्या सकारात्मक दिशेला लक्षात घेऊन त्यांनी अमेरिकेच्या संरक्षण विभागाला आदेश दिले आहेत की इराणमधील वीज प्रकल्प आणि ऊर्जा पायाभूत सुविधांवर होणारे सर्व लष्करी हल्ले सध्या पाच दिवसांसाठी स्थगित ठेवण्यात यावेत.