Iran US Conflict: अमेरिकन सैन्याला मरायला एकटं सोडलं, इस्रायलनं अमेरिकेच्या पाठीत खंजीर खुपसला! इराण युद्धात नवा ट्विस्ट

तेल अवीव: इस्रायल-अमेरिकेने इराणविरोधात युद्ध पुकारून एक महिना झाला आहे. अमेरिका आणि इस्रायलच्या हल्ल्याला इराणकडून जोरदार प्रतिकार सुरू आहे. इराणच्या प्रत्यु्त्तरानं दोन्ही देशांची डोकेदुखी वाढली आहे. तर, दुसरीकडे इराणने आखाती देशांमध्ये असणाऱ्या अमेरिकन लष्करी तळांवर थेट हल्ले केल्यानं अमेरिकेच्या लष्करी कारवाईला धक्का बसला आहे. अशातच आता अमेरिकेची चिंता वाढवणारी बातमी समोर आली आहे. इराणविरोधात सुरू होणाऱ्या जमिनीवरील लष्करी कारवाईतून इस्रायलने माघार घेतल्याचे वृत्त समोर आले आहे. इराणने याआधीच गंभीर परिणामाचा इशारा दिला होता. त्यानंतर आता इस्रायलने माघार घेतली आहे.