Trending:

वाशीममध्ये सोयाबीनच्या दराने 5000 टप्पा ओलांडला! इतर जिल्ह्यांमध्ये बाजारभाव काय?

Published by:Ajit Bhabad

Last Updated:Dec 14, 2025 1:18 PM IST

Soyabean Bajarbhav : राज्यातील विविध कृषी उत्पन्न बाजार समित्यांमध्ये 13 डिसेंबर 2025 रोजी सोयाबीनच्या दरात संमिश्र चित्र पाहायला मिळाले.

इम्पॅक्ट शॉटतुमचा गेटवे लेटेस्ट न्यूज

मुंबई : राज्यातील विविध कृषी उत्पन्न बाजार समित्यांमध्ये सोयाबीनच्या दरात चढ उतार पाहायला मिळाला. काही प्रमुख बाजारांत दरांनी समाधानकारक पातळी गाठली असली, तरी अनेक ठिकाणी आवक वाढल्याने दरांवर मर्यादा येताना दिसत आहे. पिवळा आणि लोकल सोयाबीनला तुलनेने चांगला प्रतिसाद मिळत असून गुणवत्तेनुसार दरात फरक जाणवत आहे.

विदर्भ, मराठवाडा आणि खानदेशातील अनेक बाजार समित्यांमध्ये सोयाबीनची मोठ्या प्रमाणात आवक झाली. जालना बाजार समितीत सर्वाधिक 5,793 क्विंटल आवक नोंदवण्यात आली असून येथे पिवळ्या सोयाबीनला किमान 3,400 रुपये तर कमाल 5,151 रुपये असा दर मिळाला. सरासरी दर 4,400 रुपये राहिला. अकोला बाजारातही 5,265 क्विंटल आवक झाली असून येथे दर 4,000 ते 4,500 रुपयांच्या दरम्यान राहिले, सरासरी 4,450 रुपये नोंदवण्यात आले.

वाशीममध्ये सर्वाधिक दर

वाशीम जिल्ह्यात सोयाबीनचे दर तुलनेने मजबूत राहिले. वाशीम बाजारात 3,000 क्विंटल आवक असून कमाल दर 5,200 रुपये इतका मिळाला, तर सरासरी दर 4,500 रुपये राहिला. वाशीम-अनसींग येथेही 600 क्विंटल आवक झाली असून सरासरी दर 4,350 रुपये नोंदवण्यात आला. यावरून या भागात दर्जेदार मालाला चांगला भाव मिळत असल्याचे स्पष्ट होते.

मराठवाड्यातील कळंब (धाराशिव) बाजारात 508 क्विंटल आवक असून येथे सोयाबीनला 4,151 ते 4,807 रुपये असा दर मिळाला, तर सरासरी 4,500 रुपये राहिली. देवणी बाजारातही दर मजबूत राहिले असून येथे सरासरी दर 4,465 रुपये नोंदवण्यात आला. जिंतूर, मुखेड आणि गंगाखेड या बाजारांतही सरासरी दर 4,400 रुपयांच्या आसपास राहिले.

विदर्भातील नागपूर, अमरावती आणि हिंगोली बाजारांत मोठ्या प्रमाणावर लोकल सोयाबीनची आवक झाली. नागपूर बाजारात 1,021 क्विंटल आवक असून सरासरी दर 4,325 रुपये राहिला. अमरावतीत 4,245 क्विंटल आवक झाली असून सरासरी दर 4,175 रुपये नोंदवण्यात आला. हिंगोली बाजारात 780 क्विंटल आवक असून सरासरी दर 4,200 रुपये राहिला.

दुसरीकडे, चंद्रपूर बाजारात फक्त 67 क्विंटल आवक असूनही सरासरी दर 3,695 रुपये इतका कमी राहिला. पाचोरा आणि अचलपूर येथे सरासरी दर अनुक्रमे 3,800 आणि 4,000 रुपये राहिले. हिंगणघाट बाजारात 1,487 क्विंटल आवक असून सरासरी दर 3,700 रुपये इतका नोंदवण्यात आला, जो इतर बाजारांच्या तुलनेत कमी आहे.

view comments