Agriculture News : 'मुन्नी'ने दिला दगा, 5 लाखांचं झालं नुकसान, शेतकऱ्याची थेट कृषी विभागाकडे तक्रार, Video

जिल्ह्यातील कर्जतचे शेतकरी राधाकिसन डोंगरे यांनी आपल्या सहा एकर शेतात तुरीच्या मुन्नी या वाणाची लागवड केली होती. परंतु, फेब्रुवारी महिना उजाडला तरीदेखील या वाणाच्या तुरीला शेंगा लगडल्या नाहीत. गट क्रमांक २२३ मध्ये तब्बल ७ एकर शेतात त्यांनी या वाणाची लागवड केली आहे. याच शेतात लावलेल्या गोदावरी वाणाला चांगल्या शेंगा लगडल्या आहेत. त्यामुळे बियाणे कंपनीने बोगस बियाणे दिल्यानेच माझे 4 ते 5 लाखांचे आर्थिक नुकसान झाले आहे. त्यामुळे कंपनीने त्वरित नुकसानभरपाई देण्याची मागणी शेतकरी राधाकिसन डोंगरे यांनी केली आहे.