कोरोनात लॉकडाऊन लागलं, त्याच संधीचं सोनं केलं, शेतकरी दूधव्यवसायातून करतोय लाखोंची कमाई

मुंबई : संकटांचा काळ अनेकांसाठी अडथळे घेऊन येतो, पण काही जण त्यातूनही नवे मार्ग शोधतात. कोरोना महामारीच्या काळात रोजगाराचे सर्व दरवाजे बंद होत असताना, गडचिरोली जिल्ह्यातील आरमोरी येथील ताडूरवार नगरमधील पशुपालक आणि शेतकरी यादव अंताराम बोरकर यांनी मात्र धैर्याने पुढे येत स्वतःसाठी आणि कुटुंबासाठी नवीन संधी निर्माण केली. पत्नी अलका आणि मुलगा राहुल यांच्या मदतीने त्यांनी दूध व दुग्धजन्य पदार्थांचा व्यवसाय सुरू केला आणि आज हा छोटा उपक्रम लाखो रुपयांचे उत्पन्न देणारा स्थिर व्यवसाय बनला आहे.