Agriculture: आता गावची माती गावातच तपासा, सरकार देणार 150000 रुपयांचं अनुदान, कसा करायचा अर्ज?

ठाणे: शेतामध्ये कोणतंही पिक लावण्यापूर्वी मातीचे परीक्षण करून घेण्याचा सल्ला कृषी तज्ज्ञ देत असतात. मात्र, बहुतांशी शेतकरी जवळ सोय उपलब्ध नसल्याने माती परीक्षण करण्यास टाळाटाळ करतात. शेतकऱ्यांची ही समस्या लवकरच सुटणार आहे. राष्ट्रीय कृषी विकास योजनाअंतर्गत जमीन सुपीकता कार्यक्रमात 2025-26 यावर्षी ठाणे जिल्ह्यात मृदा नमुना तपासणी प्रयोगशाळा उभारल्या जाणार आहेत. त्यामुळे शेतकऱ्यांना आता आपल्या शेतातील मातीचं परीक्षण गावातच करता येणार आहे. त्यामुळे वेळ आणि खर्चाची बचत होऊन शेतीचं नियोजन करणं सोपं होणार आहे.